کورتەی رێنماییەکانی دابەشکردنی بەنزین:

بۆ روونکردنەوەی زیاتر، رێنماییە نوێکانی دابەشکردنی بەنزین لەم خاڵانەی خوارەوەدا کورتکراوەتەوە:

هەر ئەندامی خێزانێک کە خاوەنی ئۆتۆمبیل بێت دەتوانێت کۆبوون وەربگرێت.
ئۆتۆمبێلی (تایبەت و پیکاب) دەتوانن بڕی ٥٠ لیتر بەنزین لە هەفتەیەکدا وەربگرن، و ئۆتۆمبیلی (تاکسی و پاس) دەتوانن ١٠٠ لیتر بەنزین لە هەفتەیەکدا وەربگرن.
بۆ ئەو خاوەن ئۆتۆمبێلانەی کە خەڵکی ناوچە کوردستانیەکانی دەرەوەی هەرێمن (ماددەی ١٤٠) و هەڵگری کارتی زانیارین لە پارێزگاکانی دهۆک و سلێمانی و هەولێر دەتوانن کۆبوون وەربگرن.
ئۆتۆمبێلی (تاکسی و پاس) بە نرخی (٥٠٠) پێنچ سەد دیناری عێراقی بۆ هەر لیترێک بەنزینیان پێدەدرێت، و ئۆتۆمبێلی (تایبەت و پیکاب) بە نرخی (٨٠٠) هەست سەد دیناری عێراقی بۆ هەر لیترێک بەنزینیان پێدەدرێت.
بۆ ئەو خاوەن ئۆتۆمبێلانەی کە کۆبوون نایانگرێتەوە، دەتوانن لە وێستگە بازرگانیەکان بەنزینیان دەست بکەوێت بە نرخی ١٢٥٠ دیناری عێراقی بۆ هەر لیترێک.
بۆ ئەو خاوەن ئۆتۆمبێلانەی کە کۆبوونیان وەرگرتووە و دەیانەوێت کۆبوون بۆ ئۆتۆمبێلی زیاتر وەربگرن، پێوێستە بگەڕێنەوە وێستگە کۆنەکانی خۆیان لە رێی سەنەویە بەکارهێنراوەکانیان و سەنەویەکانی ئەو ئۆتۆمبێلانەی کە دەیانەوێت کۆبوونیان بۆ وەربگرن.
بۆ ئەو ئۆتۆمبێلانەی کە هاوڵاتیان بە شێوەی (قیست) کڕیویانە و ساڵانەی ئۆتۆمبیلەکانیان بەناوی خۆیان نیە، کۆبوونیان پێدەدرێت بە مەرجێک خاوەن ئۆتۆمبیل بەڵێننامەی دادنووس پێشکەش بکات.
لە کاتی بەکارهێنانی کۆبووندا، پێویست ناکات فۆرمی خۆراک لە وێستگەکاندا پیشان بدرێت.

بۆ بینینی ووردەکاری رێنماییەکان، کلیک لێرە بکە