سیاسەتەکان

بە پشتبەستن بە دەستووری عێراق، حکومەتی هەرێمی کوردستان پەرەی داوە بە سیاسەتەکانی ووزە.

سیاسەتە گشتگیرەکانمان بریتین لە:

· بەکارهێنانی دانایانەی سەرچاوە سروشتیەکان بۆ سوودگەیاندن بە هەموو خەڵکی هەرێمی کوردستان و عێراق.

· دەستپێکردن لە قۆناغی نەبوونی پیشەسازی هێدرۆکاربۆناتەکانەوە لە 2005 دا و پەرەپێدانی خێرای کەرتێکی نەوت و غازی مۆدێرن و کێبڕکێکەر کە دەبێتە کۆڵەکەی ئابووری هەرێمی کوردستان.

· بەدیهێنانی پێویستیە ناوخۆییەکان بۆ ووزە و کارەبا و سووتەمەنی.

· زیادکردنی هەناردەکردن، لەپێناو بەشداربوون لە بەدەستهێنانی داهاتی بەرز بۆ عێراق و هەرێمی کوردستان.

· بەدیهێنانی بەناوخۆییکردنی 90%ی هێزی کاری نەوت و غاز بە هاتنی 2016.

· دانانی سەرچاوە سروشتیەکانی هەرێمی کوردستان لە خزمەتی خەڵکدا، دڵنیابوون لەوەی کە بەشدار دەبێت لە پشتگیریکردنی توانای کۆمەڵایەتی و ژێرخاندا.

هەندێک لەو ستراتیژانەی بەکاریان دەهێنین بۆ بەدیهێنانی ئامانجەکانمان:

· بوونە دابینکەرێکی متمانەپێکراو و جێگیر و مسۆگەری نەوت و غاز بۆ بازاڕە نێودەوڵەتیەکان.

· راكێشانی سەرنجی کۆمپانیا نێودەوڵەتیە بە ئەزموونەکان بۆ وەبەرهێنان کردن لە هەرێمی کوردستان لەرێگەی پێشکەشکردنی گرێبەستەکانی بەرهەمهێنانی هاوبەشەوە کە گرێبەستی تۆکمە و توندن بەڵام لە هەمان کاتدا دادپەروەر و زۆر شەفافن.

· کارکردن لەگەڵ حکومەتی فیدراڵی بۆ دڵنیابوون لەوەی کە یاساگەلی شەفاف و دادپەروەرانەی نەوت و غاز و هاوبەشیپێکردنی داهاتەکان بۆ عێراق بە زووترین کات تێدەپەڕێنرێن.

· دڵنیابوون لەوەی کە خەڵکی هەرێمی کوردستان دەرفەتی کاریان لە پیشەسازی نەوت و غازدا هەیە و کارکردن لەگەڵ هاوبەشەکاندا بۆ گەشەدان بە شارەزاییەکانی هێزی کاری ناوخۆ.

· پەرەپێدانی پیشەسازیەکانی وەکو پاڵاوتن و پاشکۆکانی (downstream industries).

· پابەندکردنی کۆپانیاکان لە ڕێی یاساوە بۆ بەدیهێنانی پێوەرە نێودەوڵەتیەکانی کارپێکردنی پیشەسازی پێترۆل سەبارەت بە ژینگە و ئەو لایەنەشی کە کۆمپانیاکان ملکەچی یاساکانی هەرێمی کوردستانن لەپێناو پاراستنی ژینگەدا.

· پابەندکردنی کۆمپانیاکان بە یاسا بۆ بەخشینی پاداشتەکانی بنیاتنانی توانا (Capacity- Building Payments) لەپێناو بەشداربوون لە پشتگیریکردنی بنیاتنانی توانای کۆمەڵایەتی و ژێرخاندا.