KRG Ministry of Natural Resources

هەواڵ و زانیاری لەسەر چۆنیەتی هاوکاری کۆمپانیاکانی نەوت بۆ ئاوارە ناوخۆییەکان کە لەدەست هێرشەکانی داعش رایانکردووە. لە کۆتایی مانگی ئابی ٢٠١٤دا، وەزارەتی سامانە سروشتیەکان هەستا بە فراوانکردنی دەستپێشخەری مرۆیی نەوت و غازی کوردستان لەپێناو یارمەتیدانی ئەو دەیان هەزار ئاوارە ناوخۆیی و پەنابەرانەی کە لەدەست داعش هەڵهاتبوون.

لێرەدا دەتوانیت لەبارەی یارمەتی و هاوکاریە داراییەکانی کۆمپانیا نەوتیەکان بخوێنیتەوە.

هەواڵ و زانیاری سەبارەت بەو پرۆژانەی کە لەلایەن کۆمپانیاکانی نەوتەوە لە هەرێمی کوردستان هاوکاری داراییان بۆ دابینکراوە و لەلایەن رێکخراوە ناحکومیەکانەوە جێبەجێ کراون بۆ ئاوارەکانی سووریا بەپێی دەستپێشخەری مرۆیی پیشەسازی نەوت و غازی کوردستان.

دەستپێشخەری مرۆیی پیشەسازی نەوت و غازی کوردستان لە ئەیلولی 2013 دا لە لایەن د. ئاشتی هەورامی، وەزیری سامانە سروشتیەکان، لە کۆبوونەوەیەکدا لەگەڵ کۆمپانیا کارکەرەکانی نەوت و غازی هەرێمی کوردستاندا، راگەیەنرا.

تاوەکو ئەمڕۆ، ژمارەیەک لە کۆمپانیا نێودەوڵەتیە کارکەرەکانی نەوت لە هەرێمی کوردستان بەشداری بەرچاویان کردووە لە دابینکردنی پشتگیری دارایی بۆ دەستپێشخەری مرۆیی پیشەسازی نەوت و غازی کوردستان، لەوانەش کۆمپانیاکانی گەڵف کیستۆن، گەنەل ئێنێرجی، تاقە، شێڤرۆن، هێس، ماراسۆن، ئۆیل سێرچ، وێسترن زاگرۆس. تاکو ئێستا بڕی 15 ملیۆن دۆلار بۆ ئەم دەستپێشخەریە دابینکراوە.

لیستی ناوی ئاژانس و رێکخراوە ناحکومیەکان کە بەشدران لە دابینکردنی هاوکاری مرۆیی بۆ ئاوارەکانی سووریا