٢٠١٥/٩/١٥
هەولێر- ئەمڕۆ وەزارەتی سامانە سروشتیەکانی حکومەتی هەرێمی کوردستان فەرمانێکی وەزاری دەرکرد بە مەبەستی رێکخستنی چالاکیەکانی کەرتی نەوت و غاز بە باشترین شێوە کە خزمەت بە بەرژەوەندی گشتی بگەیەنێت و لە هەمان کاتدا ئەرکی پارێزگاریکردنی تەندروستی هاوڵاتیان و پاراستن ژینگەی هەرێم لە خۆبگرێت. فەرمانەکەش ئەم خاڵانە لەخۆدەگرێت:
- تەنها ئەو پاڵاوتگانەی لە خشتەی (١)دا ناویان هاتووە داناخرێن و بەردەوام دەبن بە مەرجێک رێنماییەکانی تەندروستی و سەلامەتی و ژینگەی حکومەتی هەرێم لە ماوەی (٣) سێ مانگدا جێبەجێ بکەن و لە پشکنینی تیمەکانی وەزارەتدا دەربچن.
- ئەو پاڵاوتگانەی لە خشتەی ژمارە (٢)دا ناویان هاتووە دادەخرێن و بە هیچ شێوەیەک نابێت کار بکەن.
- ئەو پاڵاوتگانەی ناویان لە خشتەی ژمارە (١ و ٢) دا نەهاتووە دادەخرێن بە هۆی پێنەدان و نەبوونی زانیاری لەسەریان، هەرچەندە وەزارەت لە کاتی خۆێدا دەرفەتی بە هەمووان دا بۆ پێدانی زانیاری لەسەر پاڵاوتگەکانیان.
- ئەو پاڵاوتگانەی ناویان لە خشتەی ژمارە (١)دا هاتووە و وە لە پشکنینی وەزارەت دەرناچن لەگەڵ ئەو پاڵاوتگانەی لە خشتەی ژمارە (٢)دا ناویان هاتووە و ئەوانەی لە خاڵی (٣)دا ئاماژەیان پێکراوە لە ماوەی (٦) شەش مانگدا خۆیان پاڵاوتگەکانیان هەڵوەشێننەوە و شوێنەکانیان پاک بکەنەوە.
بۆ جێبەجێکردنی ئەوە خاڵانەی لە سەرەوە ئاماژەیان پێکراوە، وەزارەتی سامانە سروشتیەکان داوا دەکات لە وەزارەتی ناوخۆ بە تایبەت هێزەکانی (پۆلیس و ئاساییش) و پارێزگاکان و ئیدارەکان و لایەنە پەیوەندیدارەکانی تر بۆ چاودێریکردن و لێکۆڵینەوە و لێپرسینەوە لە سەرپێچیکەران. لە کاتی بوونی هەر سەرپێچیەک ئەوا وەزارەت هەموو رێگە یاساییەکان و داراییەکان دەگرێتە بەر بۆ سزادانی سەرپێچیکەران.
بۆ بینینی تەواوی فەرمانەکە و ناوی پاڵاوگەکان، کلیک لێرە بکە:
- زياتر
- بەش: بەیاننامەی رۆژنامەوانی
- بڵاوكراوەتەوە لە 15 ئەیلول 2015
- سەردانەكان: 3178
نەخشەکان
شوێنمان کەون لەسەر تویتەر
