وه‌زاره‌تی خوێندنی باڵا پۆستێك له‌ زانكۆی سەڵاحەددین/ هه‌ولێر ڕاده‌گه‌ێنێت

وەزارەتى خوێندنى باڵا و توێژینەوەى زانستى لە چوارچێوەى ڕێنماییەکاندا پۆستى ڕاگرى كولێجى ئاداب لە زانکۆى سەڵاحەددین/هەولێر ( بۆ جارى دوەم) ڕادەگەێنێت، جاهەر کەسێک ئارەزوى هەیە ومەرجەکانى تێدایە دەتوانێت لە ماوەى دیاریکراودا (V.C) و داواکارییەکەى پێشکەش بکات، تا ناوى لە لیستى خوازیاراندا تۆمار بکرێت .

مەرجەکان

1. هەڵگرى بڕوانامەى دکتۆرا بێت.
2. ناونیشانى زانستى لە پرۆفیسۆرى یاریدەدەر کەمتر نەبێت  .
3. خزمەتى زانکۆیی لە (10) ساڵ کەمتر نەبێت.
4. شارەزایى لە کۆمپیوتر هەبێت و زمانى ئینگلیزى بزانێت.

تێبینیه‌كان :

1. چانسى زیاتر دەدرێت بەو بەڕێزەى کە دیدو بۆچون و بەرنامەى کار و چالاکییەکانى خۆى پێشکەش بکات بۆ بەرەوپێشبردنى زانکۆ بۆ ئەو چوار ساڵەى کە پۆستەکە وەردەگرێت.
2. دواکات بۆ پێشکەشکردنى (C.V) و پوختەى ڕاژە کۆتایی دەوامى  ڕێکەوتى (24/7/2019) ڕۆژى پێنچ شەممە  دەبێت.
3. پێویستە پوختەى ڕاژەى لەلایەن بەرپرسى یەکەمى فەرمانگەکەیەوە واژوو کرابێت.
4. هه‌ر بەڕێزێک ئارەزوى هەیە و مەرجەکانى سەرەوەى تێدا بەدى دەکڕێت دەتوانى  (C.V) و پوختەى ڕاژەى ڕاستەوخۆ  بۆ ئەم ئیمه‌یلە (jobs@mhe-krg.org) ڕه‌وانه‌ بكات.