دام و دوزگاكان خوێندنی باڵا له كوردستان پێك دێن له زانكۆكان و په‌یمانگا ته‌كنیكییه‌كان و ده‌زگاكانی توێژینه‌وه‌ی زانستی. زانكۆكانی كوردستان به زۆری زانكۆی ده‌وڵه‌تین و له لایه‌ن وه‌زاره‌تی خوێندنی باڵاوه سه‌رپه‌رشتی ده‌كرێن. حكومه‌تی هه‌رێمی كوردستان سپۆنسه‌ری زانكۆكانه و خوێنداران و قوتابیان بێ به‌رامبه‌ر له كۆلێج و به‌شه‌كان دا ده‌خوێنن. زانكۆكان بڕوانامه‌ی به‌كالۆریۆس و ماسته‌ر و دبلۆمی باڵاو دكتۆرا ده‌به‌خشن.
په‌یمانگا ته‌كنیكییه‌كان كۆرسی كورت خایه‌ن ئاماده ده‌كه‌ن (ماوه‌ی دوو ساڵ), له‌م كۆرسانه‌دا خوێندكاران و قوتابیان له بواری پسپۆری جیا جیادا راهێنانیان پێ ده‌كرێت و ئاماده ده‌كرێن بۆ بازاڕی كار. ده‌رچوانی ئه‌م كۆرسانه بڕوانامه‌ی دبلۆم وه‌رده‌گرن.
نیشته‌جێبوونی خوێندكاران و قوتابیان له به‌شه ناوخۆییه‌كان:
سه‌رجه‌م خوێنداكاران و قوتابیانی ده‌روه‌ی شاره‌كان و خوێندكانی بیانیش بێ به‌رامبه‌ر له به‌شه‌ناوخۆییه‌كان دا نیشته‌جێ ده‌كرێن, له هه‌موو زانكۆ و په‌یمانگایه‌كدا به‌ڕێوه‌به‌رێتی نیشته‌جێبوونی خوێندكاران وقوتابیان ئه‌ركی پرۆسه‌ی نیشته‌جێبوونی نێو به‌شه‌ناوخۆییه‌كان له‌ئه‌ستۆ ده‌گرن.
نوێنه‌رایه‌تی خوێندكاران و قوتابیان
ساڵانه له نێو خوێندكاران و قوتابیانی زانكۆ و په‌یمانگاكان دا هه‌ڵبژاردنی نوێنه‌رایه‌تی خوێندكاران و قوتابیان ئه‌نجام ده‌درێت, نوێنه‌ره هه‌ڵبژێردراوه‌كان ئه‌ركی ڕێكخستنی كار و بارو چالاكییه‌كان له ئه‌ستۆ ده‌گرن و یارمه‌تی خوێندكاران و قوتابیان ده‌ده‌ن له چاره‌سه‌ركردنی كێشه و گیرو گرفته‌كانیان دا