وه‌زاره‌تی خوێندنی باڵا (3) پۆست له‌ زانكۆی هه‌ڵه‌بجه‌ ڕاده‌گه‌ێنێت

وەزارەتى خوێندنى باڵا و توێژینەوەى زانستى لە چوارچێوەى ڕێنماییەکاندا چه‌ند پۆستێك له‌ سەرۆکایەتى زانکۆى هەڵەبجە ڕادەگەێنێت, جا هەر کەسێک ئارەزوى هەیە و مەرجەکانى تێدایە دەتوانێت لە ماوەى دیاریکراودا (c.v) و داواکارییەکەى پێشکەش بکات ، تا ناوى لە لیستى خوازیاراندا تۆمار بکرێت .

یەکەم/ پۆسته‌كان :

• یاریدەدەرى سەرۆکى زانکۆ بۆ کاروبارى كارگێرى و دارایی .
• ياریدەدەرى سەرۆکى زانکۆ بۆ کاروبارى زانستى و خوێندنى باڵا .
• ڕاگرى کۆلێژى پەروەردەى وەرزش .

دوەم/ مەرجەکان :

1. هەڵگرى بڕوانامەى دکتۆرا بێت.
2. ناونیشانى زانستى لە پرۆفیسۆرى یاریدەدەر کەمتر نەبێت  .
3. خزمەتى زانکۆیی لە (10) ساڵ کەمتر نەبێت.

تێبینى /

1. چانسى زیاتر دەدرێت بەو بەڕێزەى کە دیدو بۆچون و بەرنامەى کار و چالاکییەکانى خۆى پێشکەش بکات بۆ بەرەوپێشبردنى زانکۆ بۆ ئەو چوار ساڵەى کە پۆستەکەى وەردەگرێت، زمانى ئینگلیزى و بەکارهێنانى کۆمپیوتەر هەلى زیاتر بۆ پیشکەشکار دەڕەخسێنیت
2. دواکات بۆ پێشکەشکردنى (c.v) و پوختەى ڕاژە کۆتایی دەوامى  ڕێکەوتى( 31/7/2018) رۆژى سێ شەممە دەبێت.
3. پێویستە پوختەى ڕاژەى لەلایەن بەرپرسى یەکەمى فەرمانگەکەیەوە واژوو کرابێت، کە وێنەیەکى هاوپێچە .  
4. هەر بەڕێزێک ئارەزوى هەیە و مەرجەکانى سەرەوەى تێدا بەدى دەکڕێت دەتوانى (c.v) و پوختەى ڕاژەى ڕاستەوخۆ بۆ ئەم ئیمیلە  (jobs@mhe-krg.org)ڕه‌وانه‌ بكات.