ڕاگەیاندنى پۆستێک لە زانکۆى ڕاپەڕین

وەزارەتى خوێندنى باڵا و توێژینەوەى زانستى پۆستى (راگرى کۆلێژى پەروەردەى بنەڕەت / ڕانیە ) لە زانکۆى ڕاپەرین   ڕادەگەینێت ، بۆیە داوا لە خوازیاران دەکەین ئەوانەى کە مەرجەکانیان تێدایە لە کاتى دیاریکراودا (c.v) و پوختەى ڕاژەى خۆیان ڕەوانەى ئەو ئیمەیلى خوارەوە بکەن.

یەکەم / مەرجەکان :

1. پێویستە خوازیار هەڵگرى بڕوانامەى دکتۆرا بێت .
2. ناونیشانى زانستى لە پرۆفیسۆرى یاریدەدەر کەمتر نەبێت .
3. خزمەتى زانکۆیی لە (10) ساڵ کەمتر نەبێت.

دووەم/ تێبینى :

1. چانسى زیاتر دەدرێت بەو بەڕێزەى کە دیدو بۆچوون و بەرنامەى کار و چالاکییەکانى خۆى پێشکەش بکات بۆ بەرەوپێشبردنى زانکۆ بۆ ئەو چوار ساڵەى کە پۆستەکەى وەردەگرێت.
2. زمانى ئینگلیزى و بەکارهێنانى کۆمپیوتەر بەباشى بزانیت .
3. پوختەى ڕاژەى لەلایەن بەرپرسى یەکەمى فەرمانگەکەیەوە واژوو کرابێت کە وێنەیەکى هاوپێچە.
4. دواکات بۆ پێشکەشکردنى(c.v)وپوختەى ڕاژە کۆتایی دەوامى رۆژى پێنچ شەممە(15/3/2018) دەبێت.
5. هەر بەڕێزێک ئارەزوى هەیە و مەرجەکانى سەرەوەى تێدا بەدى دەکڕێت دەتوانى (c.v) و پوختەى راژەى راستەوخۆ بۆ ئەم ئیمیلە بنێرێت. (jobs@mhe-krg.org).