وڵاتى پۆڵندا لە ڕێگاى پرۆژەى هونەرى و کلتورییەوە
خزمەتى هەرێمى کوردستان دەکات
لە دیوانى وەزارەت بەرێز (خلیل عبدوڵڵا), بەرێوەبەرى گشتى دیوانى وەزارەتى رۆشنبیرى و لاوان, پێش نیوەرۆى رۆژى یەک شەممە ٢٠١٨/١٠/٢١ پێشوازى لە بەرێز (ستانیستلاو) جێگری سەرکونسڵی پۆلۆندا لە ھەرێمی کوردستان کرد.
لەو دیدارەدا وێڕایی ئەوەى جەختکرایەوە لە سەر پتەوکردن و بەهێزکردنى پەیوەندییە رۆشنبیرى و هونەرى و کولتورییەکانى نێوان هەردوو گەڵى کورد و پۆڵندا , هەروەها هاوکاریکردن و کارئاسانى بۆ ئەنجامدانى کارى هاوبەشى هونەرى و رۆشنبیرى بەپێوست زانرا.
لە لاى خۆیەوە بەرێوەبەرى گشتى دیوان , ئامادەیی وەزارەتى نیشاندا بۆ هەموو جۆرە هاوکارییەک کە پەیوەندى بەبوارى کولتورى و رۆشنبیرەوە هەبێ, خۆشحاڵى وەزارەتى دەربڕى کە وڵاتى پۆڵندا لە ڕێگاى پرۆژەى کولتوری و رۆشنبیریەوە دەیەوێ رۆڵى هەبێ لە بوژانەوەى هەرێمى کوردستان.
شایانى باسە وا بڕیارە لە یادى رۆژى سەربەخۆى وڵاتى پۆڵندا چەن چالاکیەکى هونەرى و رۆشنبیرى و کلتور بەرێوەبچێت لە شارى هەولێر.
یەكەمین دیداری سلێمانی بۆ فیلم دەستی پێكردو شەش رۆژ بەردەوام دەبێت
جێگری سەرۆك وەزیرانی هەرێم رایدەگەیەنێت هەرگیز سیاسەتمەدارێك ناتوانێ نەهامەتی گەلێك بگەیەنێت، هونەر و سینەماكارە ئەتوانێ كاریگەری هەبێ لەسەر سۆزی ئێمە.
لەشاری سلێمانی و بەئامادەبوونی قوباد تاڵەبانی جێگری سەرۆكی حكومەتی هەرێمی كوردستان، خالید دۆسكی وەزیری رۆشنبیری و لاوان، و بابەكر دڕەیی بەڕێوەبەری گشتی رۆشنبیری و هونەری سلێمانی و و ژمارەیەك لەبەرێوەبەران و هونەرمەندان و سینەماكاران، یەكەمین دیداری سلێمانی بۆ فیلم دەستی پێكرد.
دیداری سلێمانی بۆ فیلم لەلایەن دەزگای میدیایی كوردسات بەهاوكاری وەزارەتی رۆشنبیری حكومەتی هەرێمی كوردستان لەشاری سلێمانی و بۆماوەی شەش رۆژ بەرێوەدەچێت.
قوباد تاڵەبانی، جێگری سەرۆكی حكومەتی هەرێمی كوردستان، لە میانی وتەیەكدا لە یەكەم رۆژی دیداری سلێمانی بۆ فیلم وتارێكی پێشكەش كردو رایگەیاند: زۆر سوپاسی رێكخەرانی ئەم دیدارە دەكەم، ئەمە هەنگاوێكی ترە بۆ چەسپاندنی سلێمانی وەك پایتەختی رۆشنبیری. قوباد تاڵەبانی لە وتەكەیەدا ئاماژەیش بۆ ئەوە كرد: راستە لە كوردستان خاوەن كەرتی سینەمای پڕۆفیشناڵ نین، بۆیە ئەم دیدارە فاكتەرێكی گرنگە بۆ سینەمایەكی بەهێز.
ئەوەشی خستەڕوو: گرنگە كەرتی سینەمایەكی بەهێزمان هەبێت، بۆ ئەوەی چیرۆكەكانی نەتەوەی خۆمان، نەبەردی پێشمەرگە قارەمانەكانمان، نەك تەنها پیشانی خۆمان، بەڵكو پیشانی سینەمای جیهانی بدەین.
پاشان، راسان موختار وتەبێژی دیدارەكە، لە وتەیەكدا، چەندین لایەنی ئامادەكاری و بایەخی فیلم و سینەمای كوردی روونكردەوە.
هەر لەدیدارەكەدا، خالید دۆسكی وەزیری رۆشنبیری و لاوان وتەیەكی پێشكەشكردو پیرۆزبایی لە فیلمسازان و سینەماكاران كرد بە بۆنەی رێكخستنی ئەم دیدارەو ئاماژەشی بە رۆڵی حكومەت كرد لە پشتیوانیی كەرتی سینەماو پێی وابوو كە وەكو پێویست نییەو دەبێت چۆن پشتیوانیی لە كەرتی نەوت و كەرتەكانی تر دەكرێت بەم شێوەیەش پشتیوانیی لە بواری فەرهەنگ و كەلتور بكرێت.
هەر لەدیدارەكەدا، لەلایەن جێگری سەرۆكی حكومەت و وەزیری رۆشنبیری و بەڕێوەبەری گشتیی رۆشنبیری و هونەری سلێمانی و ژمارەیەك میوانەوە، خەڵاتی رێزلێنان بەخشرایە چەند فیلمێكی كوردی كە لەماوەی رابردوو رۆڵیان هەبووە. دواتر فیلمێكی كوردی وەكو دەستپێكی دیدارەكە نمایشكراو دیدارەكەش شەش رۆژ بەردەوام دەبێت
- بەڕێزان بنەماڵەی شەهیدانی ژینگەپارێزیی مەریوان
- ئەنجومەنی سەوزی چیا لەمەریوان
بەداخ و پەژارەیەکی زۆرەوە هەواڵی گیان لەدەستدانی پۆلێ ژینگەپارێزیی مەریوانمان بیست، کە لەکاتی کوژانەوەی ئاگری چیاکانی ناوچەکەدا بوونە قوربانی.
کلتووری ژینگەپارێزی و چالاکی مەدەنی کلتوورێکی جیهانیی مرۆڤانەیە و خەڵکانی خۆبەخش ئەم کارە ژیاریی و مرۆڤدۆستییە ئەنجام دەدەن و جێگای رێزی کۆمەڵگەی مرۆڤایەتین، گەلی کوردیش بەوە ناسراوە کە دۆستی ژینگەیە و لەو پێناوەشدا گەلێ قوربانی داوە تا ژینگەکەی بە جوانی ورازاوەیی بمێنێتەوە و گیانفیدایی ئەم پۆلە ژینگەپارێزەی مەریوانیش سەلمێنەری ئەو راستیەیە.
بەم بۆنە خەمناکەوە بەناوی وەزارەتی رۆشنبیری و لاوانی حکومەتی هەرێمی کوردستانەوە سەرەخۆشی لەبنەماڵە بەڕێزەکانتان و هاوڕێ و هاوکارانتان و رۆشنبیران و خەڵکی ئازیزی مەریوان دەکەین و خۆمان بەهاوبەشی خەمتان دەزانین.
وەزارەتی رۆشنبیری و لاوانی حکومەتی هەرێمی کوردستان
27/8/2018
- بەڕێزان بنەماڵەی شەهیدانی ژینگەپارێزیی مەریوان
- ئەنجومەنی سەوزی چیا لەمەریوان
بەداخ و پەژارەیەکی زۆرەوە هەواڵی گیان لەدەستدانی پۆلێ ژینگەپارێزیی مەریوانمان بیست، کە لەکاتی کوژانەوەی ئاگری چیاکانی ناوچەکەدا بوونە قوربانی.
کلتووری ژینگەپارێزی و چالاکی مەدەنی کلتوورێکی جیهانیی مرۆڤانەیە و خەڵکانی خۆبەخش ئەم کارە ژیاریی و مرۆڤدۆستییە ئەنجام دەدەن و جێگای رێزی کۆمەڵگەی مرۆڤایەتین، گەلی کوردیش بەوە ناسراوە کە دۆستی ژینگەیە و لەو پێناوەشدا گەلێ قوربانی داوە تا ژینگەکەی بە جوانی ورازاوەیی بمێنێتەوە و گیانفیدایی ئەم پۆلە ژینگەپارێزەی مەریوانیش سەلمێنەری ئەو راستیەیە.
بەم بۆنە خەمناکەوە بەناوی وەزارەتی رۆشنبیری و لاوانی حکومەتی هەرێمی کوردستانەوە سەرەخۆشی لەبنەماڵە بەڕێزەکانتان و هاوڕێ و هاوکارانتان و رۆشنبیران و خەڵکی ئازیزی مەریوان دەکەین و خۆمان بەهاوبەشی خەمتان دەزانین.
وەزارەتی رۆشنبیری و لاوانی حکومەتی هەرێمی کوردستان
27/8/2018
نیوه‌رۆى ئه‌مرۆ 8/8/2018 به‌رێز خالید دۆسكى وه‌زیرى رۆشنبیرى و لاوان له‌دیوانى وه‌زاره‌ت پێشوازى كرد له (پیته‌ر چولاك ) به‌رێوبه‌رى كاروبارى قونسوڵخانه‌ى قونسوڵگه‌رى گشتى هه‌نگاریا له هه‌ولێر.له دیدارێكدا وێرایى به‌خێرهێنانى كونسوڵى نوێى ، باس له په‌یوه‌ندى نێوان هه‌ردوو لا كرا به‌تایبه‌ت چالاكیه كلتورى و رۆشنبیرى و وه‌رزشى و هونه‌ریه‌كان ،له‌لایه‌كى تر گفتوگۆكرا بۆ درێژدان و به‌رده‌وامى چالاكیه هاوبه‌شه‌كانى نێوان هه‌ردوولا پته‌وتر كردنى په‌یوه‌ندى نێوانیان.
وه‌زیرى رۆشنبیرى و لاوان: په‌یوه‌ندیه‌كانمان له‌گه‌ڵ كۆمارى چیك فراوان ده‌كه‌ین
دواى نیوه‌رۆى ئه‌مرۆ 8/8/2018 به‌رێزخالید دۆسكى وه‌زیرى رۆشنبیرى و لاوان له دیوانى وه‌زاره‌ت پێشوازى كرد له میخال سڤۆبۆدا كۆنسوڵى گشتى كۆمارى چیك له هه‌ولێر.
له‌دیدارێكدا وێراى به‌خێرهێنانى كونسوڵى نوێ ، وه‌زیرى رۆشنبیرى و لاوان رایگه‌یاند هه‌وڵده‌ده‌ین له ماوه‌ى داهاتوودا هاوكار و هاوبه‌شى چالاكیه‌كانتان بین و په‌ره به په‌یوه‌ندیه‌كانى نیوان هه‌رێمى كوردستان و كۆمارى چیك بده‌ین به‌تایبه‌ت له رووى هونه‌رى و رۆشنبیرى و وه‌رزشى و كلتورى.
