ڕاگەیاندنى (٩) پۆست لە زانکۆى سلێمانى

وەزارەتى خوێندنى باڵا و توێژینەوەى زانستى (٩) پۆست لە زانکۆى سلێمانى ڕادەگەینێت ، بۆیە داوا لە خوازیاران دەکەین ئەوانەى مەرجەکانیان تێدایە لە کاتى دیاریکراودا (c.v) و پوختەى ڕاژەى خۆیان ڕەوانەى ئەو ئیمەیلى خوارەوە بکەن.

یەکەم : پۆستەکانى سەرۆکایەتى زانکۆى سلێمانى بؤ جارى یەکەم :

1. یاریدەدەرى سەرۆکى زانکۆ بۆ کاروبارى خوێندکاران
2. یاریدەدەرى سەرۆکى زانکۆ بۆ کاروبارى زانست و خوێندنى باڵا
3. ڕاگرى کۆلێجى کارگێرى و ئابوورى
4. ڕاگرى کۆلێجى هونەرە جوانەکان
5. ڕاگرى کۆلێجى پەروەردەى زانستە مڕۆڤایەتییە/ سید صادق
6. ڕاگرى کۆلێجى پەروەردەى بنەڕەت
7.  ڕاگرى کۆلێجى یاسا
8.  ڕاگرى کۆلێجى زانستە مرۆڤایەتییەکان
9.  ڕاگرى کۆلێجى پەروەردە

یەکەم / مەرجەکان :

1. پێویستە خوازیار هەڵگرى بڕوانامەى دکتۆرا بێت .
2. ناونیشانى زانستى لە پرۆفیسۆرى یاریدەدەر کەمتر نەبێت .
3. خزمەتى زانکۆیی لە (10) ساڵ کەمتر نەبێت.

دووەم/ تێبینى :

1. چانسى زیاتر دەدرێت بەو بەڕێزەى کە دیدو بۆچوون و بەرنامەى کار و چالاکییەکانى خۆى پێشکەش بکات بۆ بەرەوپێشبردنى زانکۆ بۆ ئەو چوار ساڵەى کە پۆستەکەى وەردەگرێت.
2. زمانى ئینگلیزى و بەکارهێنانى کۆمپیوتەر بەباشى بزانیت .
3. پوختەى ڕاژەى لەلایەن بەرپرسى یەکەمى فەرمانگەکەیەوە واژوو کرابێت.
4. دواکات بۆ پێشکەشکردنى(c.v)وپوختەى ڕاژە کۆتایی دەوامى رۆژى دووشەممە(29/1/2018) دەبێت.
5. هەر بەڕێزێک ئارەزوى هەیە و مەرجەکانى سەرەوەى تێدا بەدى دەکڕێت دەتوانى (c.v) و پوختەى راژەى راستەوخۆ بۆ ئەم ئیمیلە بنێرێت. (jobs@mhe-krg.org).