ئاماژە بە هەردوو بریاری  ئەنجومەنی وەزیران ژمارە  (1) لە 15/7/2019 و بریاری (52) لە 5/5/2020، وەبەلەبەر چاوگرتنی بەرژەوەندی گشتی و لە پێناو باشتر خزمەتکردنی هاوڵاتیان و ڕاپەڕاندنی کارەکانیان لە دام و دەزگاکانی سەر بە وەزارەتمان بڕیارماندا بە:-

1. پێویستی پابەندبوونی فەرمانبەران بە کاتی دەوامی فەرمی لە کاتژمێر (8) بەیانی تاوەکو (3) پاش نیوەرۆ.
2. پێویستە بە ئەندازەی قەبارەی ئیش و کاری هاوڵاتیان لە فەرمانگەکان، فەرمانبەر دەوام بکات و مامەڵەی هاوڵاتیان ڕاییبکرێت و بەهیچ شێوەیەک نابێت بە پاساوی نەبوونی فەرمانبەر کاری هاوڵاتیان دوابخرێت.
3. پێویستە لە کاتی دەوامی فەرمیدا، فەرمانبەران و هاوڵاتیان پابەند بن بە گشت ڕێنمایی و ڕێکارە تەندروستییەکانی خۆپارێزی لە ڤایرۆسی کۆرۆنا.
4. لە کاتی تووشبوونی فەرمانبەر بە ڤایرۆسی کۆرۆنا دەبێت بە راپۆرتی پزیشکی پشتڕاستی ئەمە بکات، دوایش بە ڕاپۆرتی پزیشکی پشتڕاستی چاکبوونەوەی لە ڤایرۆسەکە بکاتەوە، واتا دەبێت ئەم دوو ڕاپۆرتە پێشکەشی فەرمانگەکەی بکات.
5. ئەم فەرمانە لە ڕۆژی دەرچوونیەوە جێبەجێدەکرێت.