لە حەوتەم رۆژی چالاكییەكانی هەفتەی رووناكبیری و هونەری نەورۆز لە شارى سلێمانى ، چەند چالاكییەك و كۆنسێرتی موزیك و گۆرانی پێشكەشكرا.
سەرەتا لە رۆژى ٢٠١٨/٣/٢٦لە هۆلًی رۆشنبیری دوو چالاكیی بەشی سەنتەرەكان پێشكەشكرا یەكێكیان كۆنسێرتی تیپی موزیكی لوڕ و ئەوەی تریان بەرهەمی كۆمەڵەی هونەری میللی كوردستان بوو. كە چەندین پارچە موزیك و گۆرانی كوردی پێشكەشكرا. دواتریش لە هۆڵی تەوار كۆنسێرتێكی بەشی هونەرەكانی موزیكی بەڕێوەبەرایەتی گشتیی رۆشنبیری و هونەر پێشكەشكرا، وەكو رێزێك بۆ خۆڕاگری و قوربانیانی شاری عەفرین, شایانى باسە چالاکییە هونەرى و رۆشنبیرییەکان لە شارى سلێمانى کە وەزارەتى رۆشنبیرى و لاوان بەرێوەبەرایەتى گشتى رۆشنبیرى و هونەرى سلێمانى سەرپەرشتى دەکات ماوەى یەک هەفتەیە بەردەوامى هەیە.
