بریکاری وەزارەتی ڕۆشنبیری پێشوازی لە کونسوڵی ژاپۆن دەکات
دوێنێ لە دیوانی وەزارەت ، د سالار عوسمان بریکاری وەزارەتی ڕۆشنبیری و لاوان پێشوازی کرد لە کونسوڵی ژاپۆن لە ھەولێر (کاتسومی مۆریاسۆ) و لە کۆبوونەوەیەکدا کونسوڵی ژاپۆن باسی بیرۆکەی پرۆژەیەکی سینەمایی کرد، کە وابڕیارە بە ھەماھەنگی لەگەڵ وەزارەتی ڕۆشنبیری و لاوانی حکومەتی ھەرێمی کوردستان لە ناوەڕاستی مانگی ئۆکتۆبەری ئەمساڵ لە ھەولێری پایتەختی ھەرێمی کوردستان بکەوێتە بواری جێبەجێکردن.
بریکاری وەزارەت، وێڕای پشتگیری لە بیرۆکە و پڕۆژەکە، باسی بایەخی پەیوەندییە کلتورییەکانی کرد و لەو پێناوەشدا ھەموو ئامادەیی و ھاوکارییەکی خستەڕوو.
