بەبۆنەی یادی 120 ساڵەی رۆژنامەگەری كوردی، سەعات 3ی پاشنیوەڕۆی رۆژی 22/4/2018، لە كافێنێتی نیشتمانیی ئەمنە سورەكە لەسلێمانی، سەندیكای رۆژنامەنووسانی كوردستان و دەزگای ئایدیا بۆ فكرو لێكۆڵینەوە و زانكۆی پۆلەتەكنیكی سلێمانی و تۆڕی ئەكادیمیاو دیلۆگی میدیا، مەراسیمێكیان بەڕێوەبرد.
لەمەراسیمەكەداهەر یەک لەبەرێزان ( خالید دۆسكی) وەزیری رۆشنبیری و لاوان و (بابەكر دڕەیی) بەڕێوەبەری گشتیی رۆشنبیری و هونەری سلێمانی و ژمارەیەكی بەرچاو بە مامۆستایانی زانكۆ و رۆژنامەنووسان ئامادەی بوونز
سەرەتا سیمپۆزیۆمێك بەناونیشانی (میدیای تەندروست كۆمەڵگایەكی هۆشیار بەرهەمدێنێت) بەڕێوەچوو بۆ هەریەك لە بەرێزان (د.سامان جەلال، د.هێرش رەسول، ستران عەبدوڵڵا، د. نەزاكەت حەمە حسێن)
دواتر( 100) رۆژنامەنووسیی كەناڵە جیاجیاكان خەڵاتی رێزلێنانیان پێبەخشرا.
هەر بەبۆنەی یادی 120 ساڵەی رۆژنامەگەری كوردییەوە، وەزیری رۆشنبیری و لاوان بەهاوڕێیەتی بەڕێوەبەری گشتیی رۆشنبیری و هونەر، پێشانگای گۆڤاری سیخوڕمەیان بەسەركردەوەكە پێشانگایەكی تایبەتی كاریكاتێری بوو بۆ هونەرمەند (محەمەد فەتاح).