لەدواین کۆبونەوەى خۆى وەک وەزیرى رۆشنبیرى و لاوان بەرێز(خالید دۆسکى) , سوپاسى تەواوى بەرێوەبەرو کارمەندانى وەزارەتى رۆشنبیرى و لاوانى کرد کە لە ماوەى کارکردنى هاوکارى بوون لە ڕاپەراندنى ئەرکەکانیدا .
هەر لەو کۆبونەوەیەدا , وەزیرى رۆشنبیرى و لاوان کە لەگەڵ بەرێوەبەرە گشتیەکان و ڕاوێژکاران و کارمەندانى وەزارەت ڕێکسختبوو , هیواى خواست لەکابینەى داهاتوودا تەواوى ئەو پرۆژانە تەواوبکرێ کە بەهۆى قەیرانى دارایی و بارودۆخىى نالەبارى کوردستان نەتوانرا تەواوبکرێ .
هەروەها هیواى خواست باروگوزەرانى کارمەندان و تەواوى خەڵکى کوردستان بەرەو باشى بچێ و هیواى سەرکەوتنى بۆ وەزیرى رۆشنبیرى لەکابینەى داهاتوودا خواست , هەروەها داوایکرد تەواوى کارمەندان هاوکارى بن لە ئەرک و کارەکانىدا , لەگەڵ هیواى سەرکەوتن و گەیاندنى پەیامى رێزو سوپاس بۆ تەواوى کارمەندانى وەزارەت.
