رۆژى شەمە ٢٧-٤-٢٠١٩ لە هۆڵی فەرهاد شەریف، لە پەیمانگای هونەرە جوانەکانی هەولێر، بە ئامادەبوونی بەڕێزان (فەرهەنگ غەفوور) بەڕێوەبەری گشتی رۆشنبیری و هونەری هەولێر و (هیوا سوعاد) بەڕێوەبەری شانۆی هەولێر و ژمارەیەکی زۆر لە هونەرمەندان و شانۆکاران.
شانۆیی (باوک) لەلایەن بەشی هونەری شانۆی سلێمانی بە هاوکاری و میوانداریی بەشی شانۆی هەولێر، سەر بە بەڕێوەبەرایەتی گشتی رۆشنبیری و هونەری هەولێر پێشکەش کرا.
کە لە نووسینی (ئاوگۆست ستریدبێرگ) و لە وەرگێڕانی (دلاوەر قەرەداغی) و لە دەرهێنانی (سدیق عەزیز)، هەروەها لە نواندنی (شەماڵی عەبە رەش، خەرمان هیرانی، سیروان جەمال، شادان فواد، دڵشاد ئەحمەد، ئامانج ئیبراهیم، دێیە عەلی، کاروان عەلی، کاڵێ سەباح) بوو. کە بووە جێی رەزامەندیی بینەرانی شانۆییەکە.
لای خۆشیەوە بەڕێز فەرهەنگ غەفوور، چەپکێک گوڵی رەنگاوڕەنگی پێشکەش بە گرووپە شانۆییەکە کرد.
فۆتۆ: سەلام باپیر
