وەزارەتى خوێندنى باڵا بۆ جارى دوەم پۆستى ڕاگرى پەیمانگەی تەکنیکی چۆمان ڕادەگەێنێت

وەزارەتى خوێندنى باڵا و توێژینەوەى زانستى بۆ جارى دوەم پۆستى (ڕاگرى پەیمانگەی تەکنیکی چۆمان) بەپلەى ڕاگر لە زانکۆى  پولیتەکنیکی هەولێر ڕادەگەێنێت, جا هەر کەسێک ئارەزوى هەیە و، مەرجەکانى تێدایە دەتوانێت لە ماوەى دیاریکراودا (c.v) و داواکارییەکەى پێشکەش بکات، تا ناوى لە لیستى خوازیاراندا تۆمار بکرێت .

مەرجەکان :

1. هەڵگرى بڕوانامەى دکتۆرا  بێت.
2. ناونیشانى زانستى لە مامۆستا کەمتر نەبێت  .
3. خزمەتى  زانکۆیی لە (10) ساڵ کەمتر نەبێت.

تێبینى:

• چانسى زیاتر دەدرێت بەو بەڕێزەى کە دیدو بۆچون و بەرنامەى کار و چالاکییەکانى خۆى پێشکەش بکات بۆ بەرەوپێشبردنى زانکۆ بۆ ئەو چوار ساڵەى کە پۆستەکەى وەردەگرێت، زمانى ئینگلیزى و بەکارهێنانى کۆمپیوتەر هەلى زیاتر بۆ پیشکەشکار دەڕەخسێنیت .
• دواکات بۆ پێشکەشکردنى (c.v) و پوختەى ڕاژە کۆتایی دەوامى  ڕێکەوتى( 27/٤/٢٠١٧) رۆژى پێنچ شەممە دەبێت.
• پێویستە پوختەى ڕاژەى لەلایەن بەرپرسى یەکەمى فەرمانگەکەیەوە واژوو کرابێت، کە وێنەیەکى هاوپێچە .
• هەر بەڕێزێک پێشتر  (c.v) و پوختەى ڕاژەى خۆى ڕەوانە کردبوو پێویست ناکات دووبارەى بكاتەوە ، وە ئەوەى ئارەزوى هەیە و مەرجەکانى سەرەوەى تێدا بەدى دەکڕێت دەتوانى (c.v) و پوختەى ڕاژەى ڕاستەوخۆ بۆ ئەم ئیمیلە   (jobs@mhe-krg.org) بنێرێت.