كاندیدانی زەمالەی حكومەتی عێراقی، لە هەرێمی كوردستان مامەڵەیان بۆ دەكرێت

newsitem-1785-28.08.2014-ku.jpg

<p><span style="font-family: Tahoma;"><span style="font-size: small;">ڕۆژی پێنچ شەممە، ڕێكەوتی (28-8-2014) لە هۆڵی ڤیدیۆ كۆنفراسی دیوانی وەزارەتی خوێندنی باڵاو توێژینەوەی زانستی، دكتۆر گۆڤەند شێروانی بەڕێوەبەری گشتی ناردن و پەیوەندییە ڕۆشنبیرییەكان لە وەزارەتی خوێندنی باڵاو توێژینەوەی زانستی هەرێمی كوردستان لەگەڵ وەفدێكی&nbsp; لیژنەی باڵا بۆ پێشخستنی فێركردن لە عێراق كۆبوەوە.</span></span></p>
<p><span style="font-family: Tahoma;"><span style="font-size: small;">لەو كۆبونەوەیەدا كە بەئامادەبونی ژمارەیەك لە&zwnj; كاندیداكانی زەمالەی حكومەتی عێراقی، كە دانیشتوی هەرێمی كوردستانن بەڕێوەچو. لەسەرەتادا بەڕێوەبەری گشتی ناردن و پەیوەندییە ڕۆشنبیرییەكان وتی: وەزارەتی خوێندنی باڵاو توێژینەوەی زانستی هەرێم&nbsp; سەلامەتی گیان و داهاتووی كاندیدەكانی&nbsp; زەمالاتی&nbsp; بەغدا بۆ خوێندنی باڵا بەهەند وەردەگرێ، بۆیە بە هۆی تێكچونی باری ئەمنیەوە، لە ئێستادا كێشە بۆ ئەو كاندیدانە دروست بوە و، ناتوانن بەئاسانی سەردانی بەغداد بكەن بۆ ڕایكردنی مامەڵەكانیان، بۆ چارەكردنی ئەو گرفتەش&nbsp; وەزارەتی خوێندنی باڵای هەرێم داوای لە حكومەتی فیدراڵ كرد، ئەو كاندیدانە مامەڵەكانیان و&nbsp; چاوپێكەوتن و ڕێكخستنی كەفالەت و كارە ڕۆتینیەكانی دیكەیان لە شارەكانی&nbsp; هەرێمی كوردستان بۆ ڕایی بكرێت.</span></span></p>
<p><span style="font-family: Tahoma;"><span style="font-size: small;">لە بەشێكی دیكەی كۆبونەوەكەدا ئەنوەر صەباح لێپرسراوی كاروباری یاسایی و سەرۆكی وەفدەكە، سوپاسی وەزارەتی خوێندنی باڵاو توێژینەوەی زانستی هەرێمی كوردستانی كرد، لە بەرامبەر ئەو هەماهەنگیی و كارئاسانیەی بۆ كاندیدەكانی هەرێمی كوردستان دەكات.</span></span></p>
<p><span style="font-family: Tahoma;"><span style="font-size: small;">لیژنەی باڵا بۆ پێشخستنی فێركردن لە عێراق سەر بە نوسینگەی سەرۆك وەزیری عێراقی و بەرنامەیەكی تایبەتی هەیە، كە ساڵانە لەسەر بنەمای ژمارەی دانیشتوانی پارێزگاكانی عێراق، ژمارەیەك كاندید لە هەر پارێزگەیەك هەڵدەبژێرێت، بەمەبەستی تەواوكردنی خوێندنی باڵا لە وڵاتانی دەرەوە بۆ بەدەستهێنانی بڕوانامەی ماستەر و دكتۆرا، شارەكانی هەرێمی كوردستانیش ساڵانە وەك پارێزگاكانی دیكەی عێراق پشكی خۆیان هەیە لەو بەرنامە، لە ساڵانی ڕابردودا بەسود وەرگرتن لەو بەرنامەیە ژمارەیەك كاندیدی كورد لە شارەكانی كوردستان ڕەوانەی دەرەوە كراون بۆ تەواوكردنی خوێندنی باڵا (ماستەر و دكتۆرا)، بەڵام بە هۆی تێكچوونی باری ئەمنییەوە بەتایبەت لە ماوەی ساڵی ڕابردودا، ژمارەیەك كاندید نەیانتوانیوە سەردانی بەغداد بكەن بۆ ڕایكردنی مامەڵەكانیان، بۆیە بەچارەسەركردنی ئەو گرفتە لەلایەن وەزارەتی خوێندنی باڵاو توێژینەوەی زانستی هەرێمی كوردستان چاوەڕی دەكرێ&zwnj; كاندیدەكان لە كاتێكی نزیكدا مامەڵەكانیان تەواو بكرێت و دواتریش لە وڵاتانی دەرەوە دەست بەخوێندنەكانیان بكەن.<br />
</span></span></p>