7c7a.jpg?itok=0D3YkmF6)
به چاودێری دكتۆر عه‌لی سه‌عید وه‌زیری خوێندنی باڵاو توێژینه‌وه‌ی زانستی، ئه‌مڕۆ یه‌ك شه‌ممه، ڕێكه‌وتی (7/4/2013) له دیوانی وه‌زاره‌تی خوێندنی باڵا و توێژینه‌وه‌ی زانستی یاداشتنامه‌یه‌كی لێك تێگه‌یشتن له نێوان بۆردی كوردستانی بۆ پسپۆڕییه پزیشكیه‌كان و زانكۆی (داند)ی به‌ریتانی ئیمزا كرا.
ئه‌و ڕێكه‌وتننامه‌یه كه له نێوان دكتۆر حه‌مه نه‌جم جاف سه‌رۆكی بۆردی كورستانی بۆ پسپۆڕییه پزیشكیه‌كان و پ.د ده‌یڤید سه‌رۆكی زانكۆی (داند)ی ئیمزا كرا، له دوای چه‌ند ساڵێك له هه‌وڵ و كۆششه به‌رده‌وامه‌كانی بۆردی كوردستانی بۆ پسپۆڕییه پزیشكیه‌كان دێت، كه به‌ئامانجی په‌ره‌پێدانی به‌رنامه‌كانی توێژینه‌وه‌و وانه‌وتنه‌وه‌و ئاڵوگۆڕكردنی كه‌لتوری و ئه‌كادیمی له نێوانیاندا كار له پێناو به‌دیهێنانیدا ده‌كات، به‌پێیی ئه‌و یاداشته‌ی كه ئه‌مڕۆ ئیمزا كرا، جگه له‌و بوارانه‌ی سه‌ره‌وه، هاوكات ڕێكه‌وتنه‌كه ده‌رفه‌ت ده‌ڕه‌خسێنێت بۆ ڕاهێنانی بۆردی كوردستانی بۆ پسپۆڕییه پزیشكیه‌كان و ڕاهێنانی ئه‌و گروپه‌ی له دامه‌زراوه‌كانی سكۆتله‌ندان، له‌گه‌ڵ لێبوردنی هه‌ندێكیان له‌و تاقیكردنه‌وه‌یه‌ی كه به( پلام) ناسراوه.