نوفمبر 2016

لە چەند ڕۆژى داهاتودا دەرەنجامەکانى دیاریکردنى توانستى زمان ڕادەگەیەنرێت

ئه‌نجامه‌كانی دیاریكردنی ئاستی زمان ڕاده‌گه‌ێندرێ

دواى ئەوەى تێستى دیاریکردنى ئاستەکانى زمانى ئینگلیزى لە زانکۆکانى هەرێمى کوردستان بۆ کاندیدانى ماستەرو دکتۆرا و خوازیارانى بەدەستهێنانى نازناوى زانستى بەڕێوەچوو، لە ئێستادا وەزارەتى خوێندنى باڵا و توێژینەوەى بەهاریکارى ڕێکخراوى ئیمیدیست و سێنتەرەکانى زمان لە زانکۆکان سەرقاڵى ڕاگەیاندنى ئەنجامەکان و ڕێکخستنى کۆرسەکانن لە زانکۆکانى هەرێمى کوردستان.

لەو بارەیەوە عەباس ئەکرەم وتەبێژى وەزارەتى خوێندنى باڵا و توێژینەوەى زانستى لە لێدوانێکدا ڕایگەیاند: لەماوەى ڕابردودا وەزارەتەکەمان چەند کۆبونەوەیەکى هاوبەشى لەگەڵ ستافى سێنتەرەکانى زمان و ڕێکخراوى ئیمیدیست ئەنجامداوەو تەواوى ئامادەکارییەکان کارى لەسەر کراوە بۆ ئەوەى ڕاگەیاندنى ئەنجامەکان و رێکخستنى کۆرسەکان لە کاتى دیاریکراودا بەڕێوەبچێت.

 

هەروەک وتیشى وابڕیارە لەسەرەتاى هەفتەى یەکەمى مانگى نۆڤێمبەر دەرەنجامەکانى دیاریکردنى ئاستەکان بۆ کاندیدانى ماستەر و دکتۆرا و خوازیارانى بەدەستهێنانى نازناوى زانستى ڕابگەیەنرێت، لەهەمان کاتیشدا لە سەرەتاى مانگى دێسێمبەر کۆرسەکانى زمانی ئینگلیزی لە زانکۆکانى هەرێمى کوردستان دەستپێدەکات.