دواى ئەوەى ئێوارەی ئەمڕۆ 3ی 12ی 2018 تەقە لە پرۆفیسۆر د. كەمال ئەحمەد سەعید دەکرێت، دوا بەدواى رووداوەکە د. یوسف گۆران وەزیرى خوێندنى باڵا و توێژینەوەى زانستى لە پەیامێکدا هیواى سەلامەتى بۆ تەندروستى د. کەمال ئەحمەد سەعید دەخوازێت و، پاڵپشتى خۆى دوپاتدەکاتەوە هەرچى لەتوانادا بێت بۆ سەلامەتى تەندروستى بەڕێزیان ئەنجامبدرێت. بەو هیوایەى تەندروستیان بەرەو جێگیربوون و باشى بچێت.
وەزیرى خوێندنى باڵا و توێژینەوەى زانستى داواش لە هێزە ئەمنییەکان دەکات پەلە بکەن لە دۆزینەوەى تۆمەتبارى سەرەکى رووداوەکە.
د. یوسف گۆران راشیدەگەیەنێت د. کەمال ئەحمەد سەعید خزمەتێکى بەرچاوى بە رەوشى خوێندنى باڵا بە گشتى و خەڵکى کوردستان و بوارى پزیشکى لە زانکۆى سلێمانى کردوەو جێ پەنجەى بۆ خزمەتکردن دیارو بەرچاوە، بەو هیوایەین تەندروستیان باش بێت بۆ بەردەوام بوون و خزمەتکردن بە خەڵکى کوردستان.