بۆ بنەماڵەى خوالێخۆشبوو (ئەردەلان حەمید ابراهیم)

ئەردەلان حەمید ابراهیم

ئەم بەیانیە هەواڵى کۆچى دوایى  هاوكارمان ئەردەلان حەمید ابراهیم بەڕێوەبەرى تەکنەلۆژیاى زانیارى (ICT) لە دیوانى وەزارەتەکەمانم بیست, خەمبار بوم بەبیستنى ئەو هەواڵە کتوپڕە, بۆیە بەناوى وەزارەتى خوێندنى باڵا و توێژینەوەى زانستى پرسەو سەرەخۆشى ئاراستەى ئێوە و کەس و کارو دۆست و هاوڕێیانی ستافی فەرمانبەرانى دیوانى وەزارتەکەمان دەکەم.

(ئەردەلان حەمید ابراهیم)کە یەکێک بوو لە بەڕێوەبەرە هێمن و لەسەرخۆ و چالاکەکانى وەزارەتەکەمان و, لە ماوەى لەماوى ساڵانى تەمەنی کارکردنى لە وەزارەتەکەمان خزمەتێکى بەرچاوى پێشکەش بەهاوڵاتیان و مامۆستایان و فەرمانبەران و خوێندکاران کردوە و, جێ پەنجەى لە خزمەتکردن لە بوارەکەى خۆیى دیارە.

بۆیە کۆچى دوایى (ئەردەلان حەمید ابراهیم) بەخەسارەتێک بۆ بوارى خزمەت بەزانست و فێرکردن و لایەنى ئەکادیمى لە وەزارەتەکەمان دەزانین.

هیوادارین خواى گەورە خواڵێخشبوو بەبەهەشتى بەرین شاد بکات و، سەبر و دڵنەواى بنەماڵە و کەسوکارەکەشى بدات و, تەمەن درێژى بۆ منداڵەکانى.

 

إِنَّا لِلّهِ وَإِنَّـا إِلَيْهِ رَاجِعونَ

 

 

                                                                                                د. یوسف گۆران

                                                                           وەزیرى خوێندنى باڵا و توێژینەوەى زانستى