له‌داهاتوویه‌كى نزیك كار به‌ سیسته‌مى فریاكه‌وتنى خێرا ده‌كرێت
بۆپێداوچونه‌وه‌ به‌ سیسته‌مى فریاكه‌وتنى خێرا بۆحاله‌ته‌كانى له‌ناكاو خێرا له‌شارى هه‌ولێر و ده‌وروبه‌رى ئه‌مرۆ 10-10-2011 د.تاهیر هه‌روامى وه‌زیرى ته‌ندروستى له‌گه‌ڵ به‌رێوه‌به‌رى گشتى فه‌رمانگه‌ى ته‌ندروستى هه‌ولێر و به‌رێوه‌به‌رى نه‌خۆشخانه‌كانى شارى هه‌ولێر كۆبوه‌ به‌مه‌به‌ستى گفتوگۆكردن له‌باره‌ى ره‌وشى ته‌ندروستى و خزمه‌ت گوزارى فریاكه‌وتنى خێرا له‌نه‌خۆشخانه‌كاندا، له‌سه‌رتایى كۆبونه‌وه‌كه‌ش د.تاهیر هه‌ورامى وه‌زیرى ته‌ندروستى باسى له‌ گرنگى سیسته‌مى فریاكه‌وتنى خێراكرد كه‌ له‌داهاتوو ده‌كه‌وێته‌ كار و هاوڵاتیان له‌كاتى پێویست ده‌توانن له‌رێگه‌ى ژماره‌یه‌كى تایبه‌ته‌وه‌ له‌ هه‌رشوێنێكى سنورى پاریزگاى هه‌ولێربن له‌كاتى  تووشى بونیان به‌ هه‌ر ڕوداوێكى پزیشكى له‌ناكاو په‌یوه‌ندى به‌و ژماره‌یه‌بكه‌ن و دواى ئۆتۆمبیڵى فریاكه‌وتن بكه‌ن كه‌ پزیشك و كارمه‌ندى راهێندراوى له‌گه‌ڵدایه‌ به‌مه‌به‌ستى ئه‌نجامدانى كارى پێویست و چاره‌سه‌ركردنى سه‌ره‌تایى و گواستنه‌وه‌ى بۆنه‌خۆشخانه‌كان، هه‌روه‌ك ووتیشى ئه‌م كاره‌ ڕاسته‌وخۆ له‌لایه‌ن به‌شى كرده‌ پزیشكیه‌كان سه‌رپه‌رشتى ده‌كرێت به‌مه‌به‌ستى رێكخستنى ئه‌ركه‌كانیان و زیاتر كاراكرنى ئه‌و خزمه‌ت گوزاریه‌ بۆئه‌وه‌ى هاوڵاتیان سوودى لێوه‌ربگرن.
ڕاگه‌یاندنى وه‌زاره‌تى ته‌ندروستى