دواى ئه‌وه‌ى یه‌كێك له‌كه‌ناله‌كانى ڕاگه‌یاندن ده‌رباره‌ى هۆكارى به‌كار هێنانى ده‌رزى ئاڤاستین و به‌كارنه‌هێنانى ده‌رزى لوسێنتیس (Lucentis) چه‌ند زانیاریه‌كى نادروست بڵاوكراوه‌یه‌وه به‌پێویستى ده‌زانین ئه‌م زانیاریه بۆ هاووڵاتیان و به‌رچاو روونى كه‌ناڵه‌كانى ڕاگه‌یاندن ئه‌م ڕوونكرده‌وه‌یه بده‌ین:
1- ده‌رزى ئاڤاستین ده‌رزیه‌كى ڕێگه پێدراوه‌و سه‌لمێندراوه بۆ به‌كارهێنانى له‌نه‌خۆشیه‌كانى چاو به‌گوێره‌ى رێنمایی پزیشكى و زانستى و تاوه‌كو ئێستاش له‌هه‌موو ووڵاتانى دونیا بۆ ئه‌م مه‌به‌سته به‌كار دێت.
2- تاوه‌كو ئێستا ده‌رزى لوسێنتیس (Lucentis) له‌هه‌رێمى كوردستان تۆمار نه‌كراوه‌و په‌سه‌ند نه‌كراوه له‌لایه‌ن لیژنه‌ى پزیشكى ده‌رمان .
3- هیچ پزیشكێكى پسپۆرى چاو یاخود هیچ نه‌خۆشخانه‌یه‌ك داواكارى پێشكه‌ش به‌وه‌زاره‌ت نه‌كردووه بۆ دابین كردنى ئه‌و جۆره ده‌رزیه.
4- ئه‌و نه‌خۆشانه‌ى كه‌ڕه‌وانه‌ى ئه‌لمانیا كراون بۆ چاره‌سه‌رى دواى به‌كار هێنانى ده‌زرى ئاڤاستین، دووباره به‌گوێره‌ى پێویست ده‌زرى ئاڤاستنیان بۆ به‌كارهێنراوه‌ته له وڵاتى ئه‌لمانیا.
راگه‌یاندى وه‌زاره‌تى ته‌ندروستى