په‌یامێک له راگه‌یاندنی وه‌زاره‌تی ته‌ندروستی
بۆ سه‌رجه‌م که‌ناله‌کانی راگه‌یاندن له هه‌رێمی کوردستان
په‌یامێک له راگه‌یاندنی وه‌زاره‌تی ته‌ندروستی
بۆ سه‌رجه‌م که‌ناله‌کانی راگه‌یاندن له هه‌رێمی
کوردستان
دوای سلاو ورێز...
ئاشکرایه ئه‌رک و په‌یامی راگه‌یاندن چه‌نده
پیرۆز و پر به‌هایه له نێو هه‌ر کۆمه‌لێکداو کاریگه‌رییه‌که‌شی له‌سه‌ر کۆمه‌ل
کردویه‌تی به ده‌سه‌لاتی چواره‌م،
له کاتیکدا سوپاس و پیزانینی خۆمان بۆ ئه‌و
که‌نالانه ده‌رده‌برن که ئه‌و پیگه به‌هیزه‌ی خۆیان بۆ خزمه‌تکردنی هاولاتیان
به‌کارده‌هێنن و ریگه ناده‌ن ده‌ستکه‌وته ماددیه‌کان په‌یامه پیرۆزه‌که‌یان له‌که‌دار
بکات، نیگه‌رانی خۆمان ده‌رده‌برین به‌رامبه‌ر هه‌ندیک له که‌ناله‌کانی راگه‌یاندنی
هه‌ریمی کوردستان که ماوه‌یه‌که له پیناو ده‌ستکه‌وتی ماددی له هه‌ندیک
بازرگان و کۆمپانیا مینبه‌ری خۆیان کردووه به ئامرازی چه‌واشه‌کردنی بواری ته‌ندروستی
خه‌لک و بره‌ودان به بیرۆکه چه‌وت و نا ته‌ندروسته‌کان له بواری ته‌ندروستی دا
هه‌ر له لایه‌نی ریکلامکردنی نایاسایی و دوور له ئاکاری پزیشکی بۆ ژماره‌یه‌ک
پزیشک و سه‌نته‌ری پزیشکی تا ده‌گاته ریکلام کردن بۆ ده‌رمانی گیایی و شتی تر که
گوایه زۆر کاریگه‌رن له چاره‌سه‌رکردنی هه‌ندێک نه‌خۆشی به‌م کاره‌ش پیگه‌که‌ی
خۆیان ده‌که‌ن به ئامرازی بره‌ودان به ناهۆشیاری و چه‌واشه‌کاری بواری ته‌ندروستی
و پزیشکی له کوردستان. هه‌رچه‌نده پێشووتر ئه‌و که‌نالانه له‌و ره‌فتاره
نایاساییانه ئاگادارکراونه‌ته‌وه به‌لام به‌داخه‌وه هه‌ر به‌رده‌وامن له‌سه‌ری.
لیره‌دابه پیویستی ده‌زانین له پیناو به‌رژه‌وه‌ندی
گشتی و دانانی ئاستێک بۆ ئه‌و هه‌لوێسته نه‌شیاوه‌ی ئه‌و که‌نالانه، داوا له‌و
که‌نالانه‌ی راگه‌یاندن ده‌که‌ین له هه‌ریمی کوردستان که چیتر ریکلام بۆ پزیشک
ونه‌خۆشخانه‌و سه‌نته‌ره تایبه‌تییه‌کان وده‌رمان و پیکهاته گیاییه‌کان نه‌که‌ن
بۆ ئه‌وه‌ی بره‌و به بیرۆکه چه‌واشه‌کاری و ناراست و نازانستییه‌کانی نیو کۆمه‌ل
نه‌درێت و له بری ئه‌وه با هه‌موومان هاوکاربین له راستکردنه‌وه‌ی بۆ چونه هه‌له‌کانی
بواری پزیشکی و ته‌ندروستی له هه‌ریمی کوردستان و هاوکاربین له به‌رزکردنه‌وه‌ی
ئاستی هۆشیاری ته‌ندروستی هاولاتیان.