وەزارەتی کارەبا

پرۆسەی چاكسازیی لە كێڵگەكانی كۆرمۆری غازی جێبەجێ كراو دۆخی كارەباش ئاسایی بووەوە

هاوبەشانی كارەبا ئاگادار دەكەینەوە دوابەدوای راگەیاندنی وەزارەت لە رۆژی 19ی ئەم مانگە كە كۆمپانیای داناغاز بۆ ماوەی ( 24 ) كاتژمێر هەڵسا بە ئەنجامدانی ئیشوكاریی چاكسازیی لە كێڵگەكانی كۆرمۆر و بەهۆیەوە بەرهەمهێنانی كارەبا بەبڕی ( 1100 ) مێگاوات كەمبووەوە، وەزارەتی كارەبا راستەوخۆ تیمەكانی كۆنترۆڵی كارەبا و وێستگەكانی بەرهەمهێنانی كارەبای ئاگاداركردەوە بۆ ئەوەی سیستەمی بەڕێوەبردنی كارەبا لەم بارودۆخەدا كۆنترۆڵ بكەن و رێگە نەدەن كەمبوونەوەی پەستانی غازو بەرهەمهێنانی كارەبا كاریگەریی توندی لەسەر ماوەكانی پێدانی كارەبای هاوڵاتیان هەبێت. خۆشبەختانە پێش ماوەی دیاریكراو توانرا تەواویی كاروباری چاكسازییەكە ئەنجام بدرێت و دۆخی كارەباش ئاسایبووەوە.
وەزارەتی كارەبا سوپاسی هەموو ستاف و كارمەندانی كۆنترۆڵی كارەبا و وێستگەكانی بەرهەمهێنان و فەرمانبەرانی ئیشكگر دەكات لەوێستگەكان و فەرمانگەكانی چاككردنەوەی كارەبا كە لەرۆژانی قەدەغەكردنی هاتوچۆو لە20 كاتژمێری رابردوودا لەئەركدا بوون بۆ ئەوەی سیستەمی كارەبا بەشێوەیەكی رێكوپێك بەڕێوەببەن و رێگە نەدەن هیچ گرفت و كوژانەوەیەكی گشتی رووبدات. هەروەها سوپاسی وەزارەتی سامانە سروشتیەكان و كارمەندانی داناغازیش دەكات كە بەر لەماوەی دیاریكراو توانیان هەموو كارەكانی چاكسازیی لەكێڵگەی كۆرمۆر ئەنجام بكەن و دۆخەكە ئاسایی بێتەوە.

راگەیاندنی وەزارەتی كارەبا
20/4/2020

 

 

 

 

 

 

 

 

sawen