ئەمرۆ یەكشەممە رێكەوتی 24-11-2019 شاندێكی كونسوڵی توركیا بە سەرۆكایەتی (هاكان كاراچای) سەردانی وەزارەتی بازرگانی و پیشەسازیان كرد.

شاندەكە لەلایەن بەرێز كەمال موسلیم وەزیری بازرگانی وپیشەسازی حكومەتی هەرێمی كوردستان پێشوازیان لێكرا، لەم سەردانەدا كونسولی گشتی توركیا و بەرێزان راوێژكاران ئامادەی دیدارەكە بوون، باس لە بەهێزكردنی پەیوەندیی ئابووری و بازرگانی نێوان هەردوولایەن كرا، هەروەها هەوڵدان بۆ هاتنی كۆمپانیا گەورەكانی توركیا تا لە هەرێم كاری بازرگانی و بیزنس بكەن، هاوردەكردنی كاڵای رەسەن و ئۆرجیناڵ بۆ هەرێمی كوردستان تەوەرێكی دیكەی دانشتینەكە بوو، لە كۆتاییدا شاندی میوان پیرۆزبایی لە جەنابی وەزیر كرد بەبۆنەی وەرگرتنی پۆستی تازە لە كابینەی تازەی حكومەتی هەرێمی كوردستان.