بە مەبەستی پەرەپێدان بە پەیوەندییەكان و لە میانی چالاكییەكانی وەزارەتی بازرگانی و پیشەسازی، رۆژی پێنجشەممە رێكەوتی 16-1-2020 شاندێكی بازرگانی و پیشەسازی سەردانی كونسولگەری كۆماری چیك لە هەولێر كرد.

شاندی وەزارەت بە سەرۆكایەتی كەمال موسلیم وەزیری بازرگانی و پیشەسازی بە یاوەری فتحی موحەمەد راوێژكاری پەیوەندییەكان و سوار عزیز 
بەرێوەبەری گشتی پلاندانان لە وەزارەتی بازرگانی و پیشەسازی سەردانەكەیان ئەنجام دا.

لەلایەن (میشێل سڤۆبۆدان و ستافی كونسوگلەری) پێشوازی لە شاندی وەزارەتی بازرگانی و پیشەسازی كرا، لە میانی دانشتنێكدا باس لە پەرەپێدان بە پەیوەندییەكانی نێوان وەزارەت و كونسولگەری چیك كرا، هەروەها بنیاتنانەوەی ژێرخانی پیشەسازی و سوود وەرگرتن لە ئەزموونی كۆماری چیك و هەماهەنگی زانكۆی چیك لە هەولێر و كار ئاسانی لە كار و چالاكی داهاتوو بەشێكی دیكەی دانیشتنەكە بوو.