له لێدوانێكدا بۆ رۆژنامه‌نوسان وه‌زیرى ته‌ندورستى رایگه‌یاند ئه‌وان وه‌ك وه‌فدێكى هه‌رێمى كوردستان له سه‌ر فه‌رمانى سه‌رۆك وه‌زیران و جێگرى سه‌رۆك وه‌زیرانى هه‌رێم سه‌ردانى وڵاتى ئه‌ڵمانیا ده‌كه‌ن ، بۆ به‌سه‌ركردنه‌وه‌ى ئه‌و نه‌خۆشانه‌ى به‌هۆى ده‌رزى ئه‌ڤاستین توشى گرفتى چاو هاتن ، ئاماژه‌ى به‌وه‌شكرد ، تاكو ئێستا 13كه‌س له‌و نه‌خۆشانه گه‌راونه‌ته‌وه هه‌رێمى كوردستان.
بۆ ئه‌و مه‌به‌سته ئێواره‌ى ئه‌مرۆ 5 ى حوزه‌یرانى 2013 د. رێكه‌وت حه‌مه‌ره‌شید وه‌زیرى ته‌ندروستى حكومه‌تى هه‌رێمى كوردستان به رۆژنامه‌نوسانى راگه‌یاند: له چوارچێوى ئه‌و بایه‌خ و په‌رۆشیه‌ى حكومه‌تى هه‌رێمى كوردستان به‌و نه‌خۆشانه ده‌ات كه توشى كێشه‌ى چاو بوون به رووداوى ده‌رزى ئه‌ڤاستین ، له سه‌ر فه‌رمانى سه‌رۆكى ئه‌نجومه‌نى وه‌زیران و جێگرى سه‌رۆك ، وه‌فدێكى وه‌زاره‌تى ته‌ندروستى به سه‌رۆكایه‌تى وه‌زیر و به‌رێوه‌به‌رى گشتى كاروبارى ته‌ندروستى و به‌رێوه‌به‌رى گشتى ته‌ندروستى هه‌ولێر ،سه‌ردانى ئه‌و نه‌خۆشانه ده‌كه‌ین له وڵاتى ئه‌ڵمانیا .
د, رێكه‌وت حه‌مه ره‌شید وتیشى: له‌و سه‌ردانه‌ماندا جگه له ئاگه‌داربوون له بارودۆخى ته‌ندروستیان و چۆنیه‌تى وه‌رگرتنىچاره‌سه‌ریه‌كانیان له ماوه‌ى رابردوو ، ئاماده‌یی حكومه‌تى هه‌رێم و وه‌زاره‌تى ته‌ندرووستیان بۆ دووپات ده‌كه‌ینه‌وه ، بۆ دابینكردنى هه‌ر پێداویستیه‌كى ئه‌وان بیانه‌وێ بۆ باشبوونى ته‌ندورستیان و گه‌ڕانه‌وه‌یان به سه‌لامه‌تى بۆ هه‌رێمى كوردستان .
وه‌زیرى ته‌ندروستى ئه‌وه‌شى خسته‌روو: دواى ئه‌وه‌ى ئه‌و نه‌خۆشانه ره‌وانه‌ى ئه‌ڵمانیا كران ، تاكو ئێستا كه‌س له‌و نه‌خۆشانه 13 چاره‌سه‌ریى یه‌كه‌میان ته‌واو كردووه و گه‌راونه‌ته‌وه بۆ هه‌رێمى كوردستانى ، ئه‌وانى تر كه ژماره‌یان 16 نه‌خۆشه له‌وێ ماون ، جگه له چاره‌سه‌ركردنى كێشه‌ى چاویان ، ئه‌وان هه‌ر نه‌خۆشیه‌كى تریان هه‌بێت ، له ئه‌ڵمانیا چاره‌سه‌ریان بۆ ده‌كرێت.
جێى ئاماژه‌یه له سه‌ره‌تاى مانگى نیسانى ئه‌مساڵ به‌هۆى لێدانى ده‌رزى ئه‌ڤاستین 30- كه‌س له شارى هه‌ولێر توشى كێشه‌ى بینین هاتن ، دواتر له‌سه‌ر ئه‌ركى حكومه‌تى هه‌رێمى كوردستان راسته‌وخۆ ره‌وانه‌ى وڵاتى توركیا كران ، پاشان بۆ چاره‌سه‌رى یه‌كجاره‌كى ره‌وانه‌ى وڵاتى ئه‌ڵمانیا كرانه‌وه.
راگه‌یاندنى وه‌زاره‌ت