وه‌زاره‌تی ته‌ندروستی ،رۆژی په‌رستاران بیرۆز ده‌كات   
به‌بۆنه‌ی هاتنه‌وه‌ی رۆژی جیهانی په‌رستاران ، وه‌زاره‌تی ته‌ندروستی حكومه‌تی هه‌رێمی كوردستان ، گه‌رمترین و جوانترین پیرۆزبایی ئاراسته‌ی سه‌رجه‌م په‌رستارانی عێراق به‌گشتی و په‌رستارانی كوردستان به‌تایبه‌تی ده‌كات  .هیوادارین ئه‌و ڕۆژه‌ هانده‌ری زیاتر بێت له‌ پێشخستنی پیشه‌ی په‌رستاری له‌ هه‌رێمی كوردستان و به‌دیهێنانی ده‌ستكه‌وتی باشتر بۆ په‌رستاران .

 په‌رستاران ئه‌و كه‌رته‌ گرنگ و كاریگه‌ر و هه‌ڵسوڕێنه‌ره‌ى پرۆسه‌ى خزمه‌ت گوزارى ته‌ندروستین ،كه‌  به‌بێ هه‌وڵ و هاوكارى و شه‌ونخونى ئه‌وان ناكرێت سیسته‌مى خزمه‌ت گوزارى ته‌ندروستى  پێشكه‌وێت و په‌ره‌ی پێبدرێت.

په‌رستارانى كوردستان  جگه‌ له‌رۆڵى كاریگه‌ریان له‌ناو دامو ده‌زگا ته‌ندروستى یه‌كان ، هاوشانى پزیشكان رۆڵى

به‌رچاو و جوامێرانه‌ى خۆیان هه‌بووه‌ له‌ قوناغه‌ سه‌خته‌كان و زنجیره‌ شۆرشه‌كانى گه‌له‌كه‌مان .

به‌م بۆنه‌یه‌وه‌  وه‌زاره‌تی ته‌ندروستی جه‌خت ده‌كاته‌وه‌ له‌ پاڵپشتی و هه‌وڵه‌ به‌رده‌وامه‌كانی خۆی بۆ باشتركردنی باری گوزه‌رانی په‌رستاران و فه‌راهه‌مكردنی هه‌لی زیاتر بۆ په‌رستارانی كوردستان بۆ به‌رده‌وامی دان به‌ خوێندنی باڵا و پێشخستنی تواناكانیان .