رێكخراوى ته‌ندروستى جیهانى پاڵپشتى كه‌رتى ته‌ندروستى هه‌رێم ده‌كات
رێكخراوى ته‌ندروستى جیهانى پاڵپشتى كه‌رتى ته‌ندروستى هه‌رێم ده‌كات
به‌مه‌به‌ستى پێشخستنى زیاترى كه‌رتى ته‌ندروستى له‌هه‌رێمى كوردستان رێكخراوى ته‌ندروستى جیهانى بریاره چه‌ند خول و وۆرك شۆپێك بۆپزیشكان و كارمه‌ندانى ته‌ندروستى بكاته‌وه، ئه‌مرۆ 22-11-2011 له‌دیوانى وه‌زاره‌ت د.تاهیر هه‌ورامى وه‌زیرى ته‌ندروستى پێشوازى كرد له سه‌ید جعفه‌ر نوێنه‌رى ئه‌و رێكخراوه له‌عێراق و د.محمه‌د حه‌ماشه نێردراوى رێكخراوى ته‌ندروستى جیهانى له‌هه‌رێمى كوردستان.
له‌دیدارێك گفتوگۆله‌باره‌ى دواین پیچشهاته‌كانى بوارى ته‌ندروستى كرا به‌تایبه‌ت چۆنیه‌تى پێشخستن و به‌رو پێش بردنى ئه‌و كه‌رته له‌هه‌رێمى كوردستان، له‌لایه‌ن خۆیه‌وه نوێنه‌رى رێكخراوى ته‌ندروستى جیهانى له‌عێراق باسى له كاروچالاكیه‌كانى خۆیانى كرد كه‌له‌رابردوو ئه‌نجامانداوه، هه‌روه‌ك راشى گه‌یاند بریاره له‌داهاتوو كاره‌كانیان زیاتر په‌ره‌ى پێبده‌ن و هاوكارى زیاترى هه‌رێمى كوردستانبن. له‌رێگه‌ى كردنه‌وه‌ى خول و وۆرك شۆپى تایبه‌ت بۆبه‌رزكردنه‌وه‌ى ئاستى پزیشكان و كارمه‌ندانى ته‌ندروستى .
پاشان وه‌زیرى ته‌ندروستى ئاماده‌ى ته‌واوى وه‌زاره‌تى بۆدوپات كردنه‌وه بۆسه‌رخستنى كاره‌كانیان له‌هه‌رێمى كوردستان.
ڕاگه‌یاندنى وه‌زاره‌تى ته‌ندروستى