شاندێکى ژوورەکانى بازرگانى و پیشەسازى شاری یەلەوەرى تورکیا گەیشتە کوردستان


بەمەبەستى زیاتر گرنگى دان بەبوارى بازرگانى و پیشەسازى و پرۆژەى داهاتوو و پتەوکردنى پەیوەندییەکان، شاندێکى ژوورەکانى بازرگانى و پیشەسازى تورکى سەردانى وەزارەتى بازرگانى و پیشەسازى کرد، لەلایەن بەرێز (سینان چەلەبی) وەزیرى بازرگانى و پیشەسازى پێشوازیان لێکرا و لەسەرەتادا بەرێز (چەلەبی) باسى رەوشى ئەمڕۆى بوارى بازرگانى و پیشەسازى هەرێمى کوردستان کرد و پاشان تیشکى خستە گرنگى پەیوەندیەکانى نێوان هەرێم و تورکیا و لە کاتێکدا کە چاڵاکى کۆمپانیا تورکییەکان لە بەرزترین ئاستدا خۆیان دەنوێنن و لە گشت بوارەکانى ئابوورى و کۆنفرانس و پیشانگاکان بەشێوەیەکى گشتى و لە شی کردنەوەیەکی ئابروورەکانەدا تیشکى خستە سەر ئەرک و کارى کۆمپانیا تورکییەکان و ئەنجامى پرۆژەکانیان لە هەرێمى کوردستان بە ئاستێکى بەرز دەژمێردرێ بۆیە هێشتا پێویستە چالاکتر و ئاستیان بەرەو بەرز بوونەوە بچێ بۆ پێشخستنی پرۆسەى بوتنیاتنانەوەى هەرێمى کوردستان، هەروەها بۆ زیاتر کارى هاوبەش و پتەوکردنى پەیوەندیان لە نێوان هەرێمى کوردستان و تورکیا