بەمەبەستی پتەوكردنی پەیوەندییەكان و ئاڵۆگۆڕی زانیاری و ئاگاداربوون لە رەوشی بازرگانی و پیشەسازی لە هەرێمی كوردستان، رۆژی پێنچشەممە رێكەوتی (14-11-2019) بەرێز (فرسەت سۆفی) پارێزگاری هەولێر سەردانی وەزارەتی بازرگانی و پیشەسازی كرد.

لەلایەن بەرێز (كەمال موسلیم) وەزیری بازرگانی وپیشەسازی پێشوازی لە پارێزگار كرا، لە دانیشتنێكدا، باس لە رەوشی ئابووری و بازرگانی و پیشەسازی هەرێم و هەروەها چۆنیەتی ئەنجامدانی كاری هاوبەش نێوان پارێزگاری هەولێر و وەزارەتی بازرگانی و پیشەسازی، هەردوولا ئامادەیی خۆیان دەڕبڕی تا لە داهاتوودا لە هەماهەنگی و پەیوەندیی زیاتردا بن.