وەزارەتی بازرگانی و پیشەسازی سەرپەرشتی كردنەوەی ناوەندی گەشەپێدانی پرۆژەكان دەكات
جار خوێندراوه‌ته‌وه
539 ,
22/07/2012
بە ئامادەبوونی بەرێز (د.دیندار زێباری) نوێنەری حكومەتی هەرێم لە نەتەوە یەكگرتووەكان و بەڕێز (تاهیر عەبدولا) جێگری پارێزگاری هەولێر و بەرێز (سیمۆن دیسانتی) بەپرسی نوسینگەی نوێنەرایەتی ئیتاڵی لە هەولێر، و (كریستیانۆ پاسینی) رێكخەری بەرنامەی (UNIDO) لە عێراق، جێگەی باسە ناوەندی گەشەپێدانی پرۆژەكان، لە ساڵی 2008 دروست كراوە و كاری لەسەر كراوە، بە مەبەستی ئامادەكردنی راهێنەر و دەستەی بەرێوەبەرانی ناوەندەكە، تاوەكو ئەو ناوەندە ئەكتیڤ و چالاك بێ لە چۆنیەتی ئەنجامدانی كار و پرۆژە لە ئایندەدا، كە كاری ئەو ناوەندە گرنگی و سەرپەرشتی كردنی پرۆژەی بچووك و ناوەندی و خاوەن كاران رێكدەخات لە عێراق و لە رێگەی پاڵپشتی نەتەوە یەكگرتووەكان لە رێكخراوی گەشەپێدانی پیشەسازی بە روانگەیەكی تەكنیكی و ئاراستەیەكی بەرنامە دارێژراو. سەرەڕای ئەو جۆرە چالاكیانە، كاری ئەو ناوەندە پێشكەشكردنی خزمەتگوزاریە بەمەبەستی ئاسانكاری و دامەزراندن و گەشەپێدان و سەرپەرشتی پرۆژەكان و بەدیهێنانی ئامانجی سەرەكی بۆ بەشدار بوون لە بەدەستهێنانی داهاتی ماددی و رەخساندنی هەلی كار و كەم كردنەوەی دەرامەت، جگە لەوەش بۆ یەكەمین جارە ئەنجامدانی ئەو جۆرە پرۆژانە لە رێگەی ڤیدیۆكۆنفراسەوە بێ، واتە لە داهاتوودا خاوەن كار و خاوەن پرۆژەكان دەتوانن لە رێگای گفتوگۆی كۆنفراسی راستەوخۆی ڤیدیۆیی كارەكانیان بەڕێوەببەن و رێكبخەن، هەروەها پرۆژەكانیان پێشكەش بكەن و لە هەمان كاتیشدا زانیاری بە دەست بهێنن، ئەمەش یەكەمین پرۆژەیەی لەم جۆرەیە كە بە رێگەی ڤیدیۆ كۆنفرانسەوە ئەنجام دەدرێ.