رۆژی دووشەممە بەرواری (15/7/2019) كۆبوونەوەی بەرێز (كەمال موسلیم) وەزیری بازرگانی و پیشەسازی لەگەڵ راوێژكاران و بەرێوەبەرانی گشتی لە دیوانی وەزارەت ئەنجام درا.

كۆبوونەوەكە بە ئامادەبوونی بەرێزان (فەتحی موحەمەد) راوێژكاری پەیوەندییەكان و بەرێز (دكتۆر عەبدوڵرەزاق عوسمان ناوەندەیی) بەرێوەبەری گشتی دیوان، بەرێز (سوار عەزیز) بەرێوەبەری گشتی پلاندان و بەرێز (شێخ ئاراس رەئووف) بەرێوەبەری گشتی پیشەسازی و تۆماری كۆمپانیاكان بە وەكالەت بەڕێوە چوو، لە كۆبوونەوەكەدا وێڕای پیرۆزبایی بەرێزان راوێژكاران و بەرێوەبەرانی گشتی وەزارەت لە جەنابی وەزیر بۆ وەرگرتنی پۆستی تازە، هەروەها باس لە پێشوەچوونی كاروباری وەزارەت و كێشە گرفتەكان بە گشتی كرا، هەر لە كۆبوونەوەكەدا باسی چۆنیەتی باشتركردنی كاروباری ئیداری وەزارەتی بازرگانی و پیشەسازی كرا.