وەزیری بازرگانى و پیشەسازى سەرپەرشتى وۆرکشۆپێکى بازرگانى دەکات


ارى وۆرکشۆپەکە دروست کردنى پلاتفۆرمێکە بۆ کۆمپانیا بیانییەکان لە چوارچێوەى بەرنامەى گەشەپێدانى نەتەوە یەکگرتووەکان و هاندانى کاروبارى وەبەرهێنان و بازرگانى و گرنگى زیاترى پەیوەندییە بازرگانیەکانى عێراق و کۆمپانیا و وڵاتانى جیهان، رۆژى سێشەممە 6-3-2012 بەرێز (سینان چەلەبی) وەزیرى بازرگانى و پیشەسازى حکومەتى هەرێمى کوردستان سەرپەرشتى وۆرکشۆپێک دەکات کە ماوەکەى (2) رۆژ دەخایەنێ و بە بەشدارى ژوورەکانى بازرگانى و پیشەسازى و نوێنەرى حکومەتى هەرێم لە ئیتاڵیا و بە بەشدارى خاوەن کارانى عێراق، لە هۆڵى کۆنفرانسی مەڵبەندى گەشەپێدانى پرۆژەکان ئەنجام دەدرێ لە هەولێر لە رۆژانى 6-3-2012 تاوەکو 7-3-2012، ساز دەدرێت. مەبەستى ئەو وۆرکشۆپە دەربارەى کردنەوەى کەناڵێکى بازرگانى نێوان هەرێم و عێراق و وڵاتى ئیتاڵیا، ئەو پرۆژەیە هەر یەکە لە شارەکانى هەولێر-بەغدا-ناسریە-بەسرە دەست پێدەکات کە بە هاوبەشى بازرگانان نێوان هەردوولایەن و کارى ئەو وۆرکشۆپە دەربارەى پاڵپشتى کردنى شاندى وەبەرهێنانى بیانى بۆ بەیەکگەیشتنیان لەگەڵ خاوەن کارانى عێراقی بۆ ئەنجامدانى پرۆژە بازرگانى و پیشەسازییەکان، لە بابەتە سەرەکیەکانى ئەو وۆرکشۆپەکەدا گەیاندنى وەبەرهێنەرانى بیانى لەگەڵ خاوەنکارانى عێراق و هەرێم، لە ئەنجامى ئەو وۆرکشۆپەدا پلاتفۆرمێک دروست دەکرێ بۆ کۆمپانیا بیانییەکان بەمەبەستى جێبەجێکردنى پرۆژە بچووک و مامناوەندیەکان، چالاکی وۆرکشۆپەکە لە نێوان حکومەتى هەرێم و نوێنەرانى خاوەن کارى عێراقی و نوێنەرانى (6) کۆمپانیاى ئیتاڵى و پاراگوایی و ئامانج لەو پرۆژەیە سیمینارى پێدانى چانسێکە بۆ خاوە کارە عێراقییەکان بۆ پەرەپێدانى کارەکانیان لە رێگەى وەدەست هێنانى پەیوەندى لەگەڵ کۆمپانیا بیانیەکان.