ئه‌نجومه‌نى رِاويَژكارى وه‌زاره‌ت پيَكدێت له وه‌زير و رِاوێژكاران و به‌ڕێوه‌به‌ره گشتييه‌كانى وه‌زاره‌ت كه كۆى گشتى ئه‌ندامانى (١٣) ئه‌ندامه ئه‌مه جگه له‌وه‌ى ئه‌م ده‌سته‌يه هه‌ر (١٥) رۆژ جاريَك له‌سه‌ر گرفت و به‌رنامه و كارى وه‌زاره‌ت كۆبوونه‌وه‌ى خۆيى ئه‌نجام ده‌دات تيايدا برِيارى پێويست به شێوه‌ى ده‌نگدان ده‌رده‌كات، له‌گه‌ڵ ئه‌وه‌شدا ئه‌م ده‌سته‌يه بڕيارده‌رێكى هه‌يه و له كۆبوونه‌وه‌كان به‌شدار ده‌بێت.
جێگاى ئاماژه‌يه له‌كاتى پێويست ئه‌م ئه‌نجومه‌نه بۆ به‌رنامه‌ى له‌ناكاو به‌ده‌ر له‌كاتى دياريكراوى خۆيى ئه‌گه‌ر پێويست بوو كۆبوونه‌وه‌ى ئه‌نجام ده‌دات.
له كۆتايى هه‌ر كۆبوونه‌وه‌يه‌كدا ئه‌م ئه‌نجومه‌نه كۆنووسى كۆبونه‌وه به واژووى سه‌رۆك و ئه‌ندامانى ئه‌نجومه‌نه‌كه ده‌رده‌كات به مه‌به‌ستى جێ به‌جێكردنى بڕيار و ڕاسپارده‌كانى كۆبوونه‌وه.