بەمەبەستی پەرەپێدان بە پەیوەندییەكان و هاندانی بازرگانە یۆنانییەكان بۆ زیاتر هەماهەنگی و ئاڵۆگۆڕی بازرگانی، شاندێكی وەزارەتی بازرگانی و پیشەسازی سەردانى كونسوڵگەری یۆنانى لە هەرێمی كوردستان كرد.
شاندەكە پێكهاتبوون لە بەرێزان (كەمال موسلیم) وەزیری بازرگانی و پیشەسازی، بە یاوەری راوێژكاری پەیوەندییەكان و بەرێوەبەری راگەیاندن و پەیوەندییەكانی وەزارەت، لەلایەن سەرۆككونسڵی یۆنان (ئیمیسیمیۆس كۆندۆپۆلۆس) پێشوازی لە شاندی وەزارەت كرا.
لە دانشتنێكدا باس پەرەپێدانی پەیوەندییەكان و هێنانی بازرگانانی یۆنان كرا تا لە هەرێمی كوردستان كاری بازرگانی ئەنجام بدەن، كە بارودۆخی سیاسی هەرێمی كوردستان جێگیرە و هەروەها گۆڕەپانێكی لەبارە بۆ بازرگانی كردن، لە كۆتاییدا كونسوڵی یۆنان سوپاسی سەردانی جەنابی وەزیری و شاندەكەی كرد، هەروەها هەردوولا ئامادەیی خۆیان بۆ كاری هاوبەش و هەماهەنگی چاڵاكی داهاتوو دەربڕی.
