ئه‌مڕۆ سێ شه‌ممه ڕێكه‌وتى 26/8/2014 به‌ڕێز (ساماڵ سه‌ردار) وه‌زيرى بازرگانى و پيشه‌سازى پێشوازى كرد له خاتوو (جانيت سيبن) باڵيۆزى وڵاتى هۆڵه‌ندا له عێراق و به‌ڕێز (جون زانده) به‌رپرسى ئۆفيسى باڵيۆزخانه‌ى هۆڵه‌ندى له هه‌رێمى كوردستان له ديدارێكدا باس له‌م خاڵانه‌ى خواره‌وه كرا:
1- به‌هێزكردنى په‌يوه‌ندى نێوان هه‌ردوولايه‌ن له رووى ئابوورى و كشتوكاڵ به‌مه‌به‌ستى بووژانه‌وه‌ى ئابوورى زياتر.
2- هه‌وڵدان بۆ زياتركردنى قه‌باره‌ى ئاڵوگۆڕي بازرگانى له نێوان پياوانى كارى هه‌رێمى كوردستان و وڵاتى هۆڵه‌ندا.
3- به‌ڕێز وه‌زيرى بازرگانى داواى لێ كردن كه هه‌وڵى جددى و كارا بخه‌نه‌گه‌ڕ بۆ كردنه‌وه‌ى كونسڵگه‌ر‌ى گشتى هۆڵه‌ندى له هه‌رێمى كوردستان.
4- خستنه‌رووى ئاسانكارى و باسكردن له ده‌رفه‌ته‌كانى كار له هه‌رێمى كوردستان به‌رامبه‌ر كۆمپانياو پياوانى كارى هۆلٚه‌ندى.
5- ئاماده‌كارى پێويست بۆ گه‌ياندنى هاوكارى مرۆيي بۆ ئاواره‌كانى ناوچه‌كانى خواروو و ناوه‌ڕاستى عێراق كه له ئێستادا له هه‌رێمى كوردستان نيشته‌جێن.
6- لايه‌نى هۆڵه‌ندى ئه‌وه‌يان خسته روو كه ده‌توانن له چه‌ند سێكته‌رێكه‌وه هاوكارى هه‌رێم بكه‌ن به‌تايبه‌ت له بوارى كشتوكاڵ و ئاو و ئاوه‌ڕۆ.