رۆژی پێنچشەممە رێكەوتی 18/7/2019 بەرێز (كەمال موسلیم) وەزیری بازرگانی و پیشەسازی لە دیوانی وەزارەت پێشوازی كرد لە بەرێزان (نەوزاد هادی) پارێزگاری هەولێر و (تاهیر عەبدوڵا) جێگری پارێزگاری هەولێر.

سەرەتا لەلایەن بەرێز وەزیری بازرگانی و پیشەسازی بەخێرهاتنی میوانان كرا، لە دانیشتنێكدا باس لە كاروباری ئیداری و حكومی كرا، هەروەها تیشك خرایە سەر كابینەی تازەی حكومەتی هەرێمی كوردستان، چۆنیەتی گرنگیدان بە بە هەردوو سێكتەری بازرگانی و پیشەسازی  تەوەرێكی دیكەی دانیشتنەكە بوو، سەردانی بەرێز پارێزگاری هەولێر بەمەبەستی پیرۆزبایی كردن لە بەرێز جەنابی وەزیر بۆ وەرگرتنی پۆستی وەزیری بازرگانی و پیشەسازی بوو، كە هیوای سەركەوتنی بۆ جەنابی وەزیر لە پۆستە تازەكەی خواست.