شاندی كونسوله‌گه‌ری فه‌ڕه‌نسی و كۆمپانیای دانون سه‌ردانی وه‌زاره‌تی بازرگانی و پیشه‌سازی ده‌كات
جار خوێندراوه‌ته‌وه
527 ,
02/10/2019
رۆژی چوارشه‌ممه رێكه‌وتی (2-10-2019) شاندی كونسوڵگه‌ری فه‌ڕه‌نسی و كۆمپانیای دانونی فه‌ڕه‌نسی سه‌ردانی وه‌زاره‌تی بازرگانی و پیشه‌سازی كرد.
میوانان له‌لایه‌ن به‌رێز كه‌مال موسلیم وه‌زیری بازرگانی و پیشه‌سازی پێشوازیان لێكرا، شانده‌كه به سه‌رۆكایه‌تی (ئۆلیڤیه دووبوه) به یاوه‌ری شاندێكی كۆمپانیا هه‌ره گه‌وره‌كانی فه‌ڕه‌نسا وه‌ك كۆمپانیای (دانون) كه له هه‌ولێر كارگه‌یه‌كی به‌رووبوومی شیر و په‌نیری دامه‌زراندووه. له میانی سه‌ردانه‌كه‌دا باس له كاراكردنه‌وه‌ى په‌یوه‌ندیی بازرگانی و ئابووری هه‌ردوولایه‌ن كرا، به‌رێز جه‌نابی وه‌زیری بازرگانی و پیشه‌سازی دووپاتی دابین كردنی هاوكاری و یارمه‌تی بۆ شاندی میوان خسته‌روو، به‌مه‌به‌ستی سه‌ركه‌وتنی دامه‌زراندنی كارگه‌ی فه‌ڕه‌نسی له هه‌رێمی كوردستان بۆ پشتگیری كردنی سه‌رمایه‌گوزاری له هه‌رێم و هاتنی كۆمپانیا بیانییه‌كان.
