بەرێوەبەرایەتی گشتی پلاندانان – بەرێوەبەرایەتی پەرەپێدانی مرۆیی، بە هاوكاری لەگەڵ رێكخراوی یۆنیدۆ – UNIDO) خولێكی (15) رۆژەی تایبەت بە پەرەپێدان و هاوكاری خاوەنكاران لە كەرتی تایبەت و چۆنیەتی ئاشنابوون بە پرۆژە  جۆراجۆرەكانی بواری كارگێری و دارایی و بەرێوەبردن كردەوە.

بەرێز (سیروان كەماڵ) بەرێوەبەری پەرەپێدانی مرۆیی لە بەرێوەبەرایەتی گشتی پلاندانانی وەزارەتی بازرگانی و پیشەسازی، ئاماژەی بەو خولەدا و گوتی : خولێكی ئاست بەرز و پڕ زانیاری و ئاڵۆگۆری بیر و ڕا بوو، بەشداربووانیش سەركەوتووانە خولەكەیان تەواو كرد و بڕوانامەی شایستەیان پێبەخشرا. وانەكانی ئەو خولە دەربارەی پەرەپێدان و هاوكاری كردنی كەرتی تایبەت و خاوەنكاران، لە چۆنیەتی دامەزراندنی پرۆژەی سەركەوتوو، هەروەها ئاشنابوون بە رێگەی بەرێوەبردنی دام و دەزگا و كۆمپانیاكان، دواتریش زانیاری پێدان لەسەر بنەماكانی سەردەم بۆ بەرێوەبردن و كاركردن لە بوارەكانی كارگێری و دارایی و كۆنترۆڵی جۆری، بەشێكی دیكەی خوولەكە دەربارەی بەرز كردنەوەی شارەزایی كەسانی خاوەنكار لە چۆنیەتی بە بازاركردنی بەرهەمەكانیان و شارەزا بوون لە سیستەمی بانكی و رێنمایی پێدانی قەرز.

جێگەی ئاماژەیە كە (30) خاوەنكار لە بوارە جیاجیاكاندا بەشداریان لە خولەكەدا كردبوو، لە كۆتاییشدا بڕوانامە بەسەر بەشداربووانی خوول دابەشكرا.