بۆ چاودێرى نرخ له‌ بازاڕ به‌ڕێز وه‌زیرى بازرگانى و پیشه‌سازى له‌گه‌ڵ به‌ڕێوه‌به‌رایه‌تى چاودێرى بازرگانى له‌ سنوورى پارێزگاکان و ئیداره‌ سه‌ربه‌خۆ‌کان کۆبووه‌‌‌وه‌

   ئه‌مڕۆ چوار شه‌ممه‌ رێکه‌وتى 2/7/2014 له‌ دیوانى وه‌زاره‌ت به‌ڕێز (ساماڵ سه‌ردار )وه‌زیرى بازرگانى و پیشه‌سازى حکومه‌تى هه‌رێمى کوردستان به‌ ئاماده‌بوونى به‌ڕێزان به‌ڕێوه‌به‌رى گشتى بازرگانى و به‌ڕێوه‌به‌رى کێبڕکێ و نه‌هێشتنى قۆرخکارى له‌گه‌ڵ به‌ڕێزان به‌ڕێه‌وه‌به‌ره‌کانى چاودێرى بازرگانى هه‌ولێر – سلێمانى – دهۆک – ئیداره‌ى گه‌رمیان کۆبووه‌وه‌ به‌ مه‌به‌ستى چاودێرى نرخى کاڵاو که‌ل و په‌له‌کان له‌ بازاڕه‌کانى هه‌رێمى کوردستان که‌ له‌ میانه‌ى کۆبوونه‌وه‌که‌دا بڕیار درا

   ــ  به‌ڕێوه‌به‌رایه‌تییه‌کانى چاودێرى بازرگانى له‌ رێگاى لیژنه‌کانیانه‌وه‌ به‌ هه‌ماهه‌نگى لیژنه‌ى چاودێرى پارێزگاکان چاودێرى توند و به‌رده‌وامى بازاڕه‌کان بکه‌ن به‌ مه‌به‌ستى به‌دواداچوون و رێگه‌ نه‌دان به‌ سه‌رپێچیکاران تاوه‌کو گۆڕانکارى له‌ نرخه‌ جێگیره‌کان نه‌که‌ن.

    ــ  ده‌بێت بازرگانان له‌ بازاڕه‌کانى هه‌رێمى کوردستان پابه‌ند بن به‌ نرخى دیاریکراو و سه‌رپێچى نه‌که‌ن ‌ به‌ پێچه‌وانه‌وه‌ سه‌رپیچیکاران به‌ گوێره‌ى رێککاره‌ یاساییه‌کان سزا ده‌درێن.

 : ــ  له‌ کاتى بوونى هه‌ر سه‌رپێچییه‌ک هاووڵاتیان له‌ رێگاى ئه‌م ژماره‌ ته‌له‌فۆنانه‌وه‌ ده‌توانن  لایه‌نه‌ په‌یوه‌ندى داره‌کان ئاگادار بکه‌نه‌وه‌ 

     نووسینگه‌ى جه‌نابى وه‌زیرى بازرگانى و پیشه‌سازى- 07501642776  07721856869

    به‌ڕێوه‌به‌رایه‌تى چاودێرى بازرگانى هه‌ولێر  07504512476
       به‌ڕێوه‌به‌رایه‌تى چاودێرى بازرگانى سلیمانى 07701450755
        به‌ڕێوه‌به‌رایه‌تى چاودێرى بازرگانى دهۆک 07508733614
       به‌ڕێوه‌به‌رایه‌تى چاودێرى بازرگانى ئیداره‌ى گه‌رمیان 07701595839