وەزیرى بازرگانى و پیشەسازى پێشوازیکرد لە شاندێکى دیبلۆماسى بەریتانیا
جار خوێندراوه‌ته‌وه
523 ,
16/10/2012
بەرێز وەزیرى بازرگانى و پیشەسازى لە وەزارەت پێشوازیکرد لەشانێکى دیبلۆماسى بەریتانى کە پێک هاتبوون لە بەرێز (سایموپ کۆلیس) بالێۆزى بەریتانیا لە عیراقى فیدرال، کە بەیاوەرى قونسوڵى بریتانیا لە هەولێر وە سەرۆکى بەشى بازرگانى و وەبەرهێنان لە بالوێزخانەى بەریتانیا لە عیراق ئەندامى شاندەکە بوون،
لەدانیشتنێکدا باس لە بارودۆخى ئابوورى و رەوشى ئابوورى هەرێمى کوردستان و عیراق وە دامەزراندنى کۆمیتەیەکى هاوبەش لەنێوان عیراق و بەریتانیا بۆ وەگەرخستنى بزنس و وەبەرهێنان لە هەرێمى کوردستان کرا.
بەرێز سنان چلبى لە وەڵامدانەى پرسیارێکى بەرێز(سایموپ کۆلیس) سەبارەت بە بۆچوونى وەزارەت بۆ ئایندەى ئابوورى هەرێم تیشکى خستە سەر پێویستى هەرێم بۆ کۆمپانیاکانى بەریتانیا و گرنگى وەبەرهێنان لە هەرێمى کوردستان هاوکات باسى لەو هەنگاونانەکرد کە حکومەتى هەرێم بۆ کارى بزنس و وەبەرهێنان گرتویەتەبەر لەپێناوى بوژانەوەى ئابوورى لەکۆتایدا بەرێزیان باسیان لەگرنگى ناوچەیى هەرێم کرد کە وەک دەروازەیەکە بۆ ناوچەکانى ناوەراست و خواروى عیراق و ئەوروپا و جیهان لەرووى ئابوورییەوە.