هاوکاریه نێوده‌وڵه‌تییه‌کان
ئاگادارکردنه‌وه‌ی ئێمه‌یڵ
مه‌کۆی گفتوگۆکان
راپرسی راسته‌خۆ
ده‌رباره‌ی ب.گ. هاوکاری و هه‌ماهه‌نگیی په‌ره‌پێدان
بەڕێوەبەرایەتی هاوکاری و هەماهەنگی پەرەپێدان بەشێکە لە وەزارەتی پلاندانانی حکومەتی هەرێمی کوردستان.
بەپێی یاسای وەزارەت ئەم بەڕێوەبەرایەتیە گشتییە ئەم ئەرکانەی خوارەوە جێبەجێ دەکات:
· دامەزراندنی پرۆسەی کاریگەر، شەفاف و بەرپرسیارانە بۆ بەڕێوەبردنی سەرچاوەکانی پەرەپێدان.
· بەرەوپێشبردنی هاوکاری نێوان حکومەتی هەرێمی کوردستان و لایەنە کۆمەکبەخشەکان و هاوکارە نێودەوڵەتییەکان.
· ئەنجامدانی هەڵسەنگاندن بۆ ئاستی سوودوەرگرتن لە سەرچاوەکانی پەرەپێدان.
· داڕشتنی ستراتیژ بۆ کەرتەکان بەهاوکاری لەگەڵ وەزارەتە پەیوەندیدارەکان، کەری تایبەت، رێکخراوە ناحکومییەکان، سەندیکاکان، زانکۆکان...هتد، بۆ پتەوکردنی هەماهەنگی و هاوکاری و تەبایی لەنێوان کەرتەکاندا، بەشێوەیەک کە بگونجێت لەگەڵ پرۆسەی پەرەپێدانی هەرێم و عێراقدا.
· پێشکەشکردنی رێنمایی ستراتیژی بە پرۆسەی پلاندانی گشتی، بۆ پەرەپێدانی کەرتی تایبەت لە هەرێمی کوردستان.
لەبەرئەوەی بەڕێوەبەرایەتی گشتی هاوکاری و هەماهەنگی پەرەپێدان ئەرکی یاسایی هەیە بۆ رێکخستنی هاوکاری و هەماهەنگی نێوان دەزگاکانی حکومەت و رێکخراوە نێودەوڵەتییەکان، قۆناغ بە قۆناغ هەوڵ دەدات سەرنجی بیانی رابکێشێت بۆ بەشداریکردن لە پرۆسەی پەرەپێدان و هاندانی کەرتی تایبەتی ناوخۆیی و دەرەکیی.
بەڕێوەبەرایەتی گشتی هاوکاری و هەماهەنگی پەرەپێدان پێکدێت لەم پێنج بەڕێوەبەرایەتیەی خوارەوە و یەکەیەکی خزمەتگوزاری:
· به‌ڕێوه‌به‌رایەتی داڕشتن و پشکنینی پرۆژه
· به‌ڕێوه‌به‌رایەتی په‌ره‌پێدانی ستراتیژی
· به‌ڕێوه‌به‌رایەتی داتا و زانیاری
· به‌ڕێوه‌به‌رایەتی په‌ره‌پێدانی که‌رتی تایبه‌ت
· به‌ڕێوه‌به‌رایەتی هه‌ماهه‌نگی کشتی و په‌یوه‌ندییه نێوده‌وڵه‌تییه‌کان
· یه‌که‌ی خزمه‌تگوزاری و هاوکاری
بەڕێوەبەری گشتی هاوکاری و هەماهەنگی پەرەپێدان
حيدر مصطفى سعيد
بۆ زانیاری زیاتر تکایە سەردانی ماڵپەڕی بەڕێوەبەرایەتی گشتی هاوکاری و هەماهەنگی پەرەپێدان بکە لە:http://www.krgmopdcc.com/