میوانە بەڕێزەکان،
وەزارەتی پلاندانانی حکومەتی هەرێم بە خۆشحاڵییەوە پێشوازیتان لێدەکات بۆ ماڵپەڕی فەرمی وەزارەتی پلاندانان.
مەبەستمان لە دروستکردنی ئەم ماڵپەڕە بەخشینی زانیاری نوێ و بەردەوامە بە میوانەکانمان لەسەر بواری پەرەپێدان، لەڕێگای دابینکردنی راپۆرت، لێکۆڵینەوە و هەواڵەوە. هاوکات ئەم ماڵپەڕە هەوڵێکە بۆ ناساندنی رۆڵی گرنگی وەزارەت لە پرۆسەی هەمەلایەنی پەرەپێدان لە کوردستان و بەدیهێنانی ئامانجە ستراتیژییەکانی حکومەتی هەرێم بۆ گۆڕینی ئابوری وڵات بۆ ئابورییەکی پشتئەستوور بە زانیاری و داتا.
مەبەستێکی دیکەی ئەم ماڵپەڕە دابینکردن و ئاڵوگۆڕی زانیارییە لەسەر ئامانج و چالاکییەکانی وەزارەت بە زمانەکانی کوردی، عەرەبی و ئینگلیزی. هاوکات زانیاری دابین دەکەین لەسەر هاوکارە نێودەوڵەتییەکانی حکومەتی هەرێمی کوردستان و رۆڵیان لە پاڵپشتیکردنی پرۆسەی پەرەپێداندا.
ئومێد دەکەین ئەم ماڵپەڕە بەکارهێنانی ئاسان بێت و چێژ و زانیاری بەخش بێت. تکایە لە سەرنج و پێشنیارەکانتان ئاگادارمان بکەنەوە بۆ بەرەوپێشبردنی زیاتری ماڵپەڕەکە.

وەزارەتی پلاندانان
حکومەتی هەرێمی کوردستان