ئەمڕۆ ٨/٣/٢٠١١ بەڕێز دکتۆر عەلی سندی وەزیری پلاندانانی حکومەتی هەرێمی کوردستان پێشوازی کرد لە شاندێکی کشتوکاڵی یابانی و ئەندامانی ئاژانسی هاوکاری یابانی (جایکا) بۆ گفتوگۆکردن لەسەر پرۆژەکانی یابان لە کەرتی کشتوکاڵی هەرێمی کوردستان. شاندەکە باسیان لە دوو پرۆژەی تازە کرد کە بڕیارە لەم ساڵدا جێبەجێ بکرێن.
پرۆژەی یەکەم: بەرزکردنەوەی ئاستی بەرهەمهێنانی دانەوێڵە. ئامانجی ئەم پرۆژەیە بەرزکردنەوەی ئاستی بەرهەمهێنان و کواڵیتی دانەوێڵەیە لە هەرێمی کوردستان، بۆئەوەی هەرێم بتوانێت بەشی بەکارهێنانی ناوخۆیی دابین بکات.
پرۆژەی دووەم: بەرفراوانکردن و بەرەوپێشبردنی رەزگەریی لە هەرێمی کوردستان و بەکارهێنانی تەکنەلۆجیای مۆدێرن لەم بوارەدا. ئامانجی ئەم پرۆژەیە زیادکردنی ئاست و کواڵیتی بەرهەمهێنانی سەوزە و میوەیە لە هەرێمی کوردستان.
هەریەک لەم پرۆژانە بە قۆناغی لێکۆڵینەوە دەستپێدەکات، پاشان راهێنانی پێویست لەم بوارەدا پێشکەش دەکرێت لەلایەن شارەزای یابانی و نێودەوڵەتییەوە، قۆناغەکانی دواتر دابینکردنی زانیاری و تەکنەلۆجیایە لەسەر هەریەک لە بوارەکان.
شایانی باسە رێکخراوی هاوکاریی یابانی (جایکا) بەهاوکاری وەزارەتی کشتوکاڵ و وەزارەتی پلاندانان ئەم پرۆژانە جێبەجێ دەکات و بودجەی پرۆژەکە لەلایەن حکومەتی یابانییەوە دابین دەکرێت.
وەزیری پلاندانان باسی لە گرنگی پرۆژەکانی یابان کرد لە هەرێمی کوردستان و دەستخۆشی لێکردن بۆ هاوکاری بەردەوام و پرۆژەی سوودبەخش کە پێشکەشی هەرێمی کوردستانی دەکەن.
کۆنفرانسی پەرەپێدانی پەیوەندیە ئابوریەکانی نێوان هەرێمی کوردستان و کۆماری ئیسلامی ئێران لە شاری هەول ...
ڕۆژی ٢٩ی نیسانی ٢٠١٨، د. عهلى سندى، وهزیرى پلاندانانى حكومهتى ههرێمى كوردستا ...
له ڕێكهوتی 2012 /9/9، د. على سندى، وهزیرى پلاندانانى حكومهتى ههرێمى كو ...