بەرواری ٨/ ٥/ ٢٠١٦ د.علی سندی، وەزیری پلاندانانی حکومەتی هەرێمی کوردستان پێشوازی کرد لە خاتوو ئایشا کیرابۆ کاسیرا، جێگری سکرتێری گشتی نەتەوەیەکگرتووەکان و جێگری بەڕیوەبەری جێبەجێکاری ئاژانسی هابیتات و شاندی یاوەری.
سەرەتا وەزیری پلاندانان بەخێرهاتنی شاندەکەی کرد و، باس لە بارودۆخی هەرێمی کوردستان بە گشتی کرا.
لای خۆیەوە جێگری سکرتێری گشتی رێکخراوی نەتەوە یەکگرتووەکان سوپاسی وەزارەتی پلاندانانی حکومەتی هەرێمی کوردستان کرد لە بەرامبەر ئەو کارە هاوبەشانەی لە رابردوو جێبەجێ کراون. لە لایەکی ترەوە باس لەو بارگرانیەی ئەو ژمارە زۆرەی ئاوارە و پەنابەران کرا لەسەر ئەستۆی خەڵك و حکومەتی هەرێمی کوردستان .
ههر له كۆبوونهوهكهدا د.علی سندی هیوای خواست هەرێمی کوردستان لە کۆنفڕانسە نێودەوڵەتیەکان پشگوێ نەخرێ و زیاتر گرنگی پێبدرێت، چونکە ئەم قەیرانە مرۆییەی کە هەرێمی کوردستان پێیدا تێپەڕدەبێت تەنها ئەرکی حکومەتی هەرێم نیە، بەڵکو کۆمەڵگەی نێودەوڵەتیش پێویستە رۆڵی هەبێت لە دابینکردنی پێداویستیەکان.
تەوەرێکی تری کۆبوونەوەکە بریتی بوو لەو پڕۆژە هاوبەشەی نێوان وەزارەتی پلاندانان و ئاژانسی هابیتات بۆ دانانی کۆد و رێنمایی بنیاتنان لە هەرێمی کوردستان کە لەم دواییەدا بە ئەنجام گەیەنرا، هەر پەیوەست بەم بابەتەوە وەزیری پلاندانان داوای هاوکاریی زیاتری کرد بۆ جێبەجێ کردنی ئەم کۆدانە.
کۆنفرانسی پەرەپێدانی پەیوەندیە ئابوریەکانی نێوان هەرێمی کوردستان و کۆماری ئیسلامی ئێران لە شاری هەول ...
ڕۆژی ٢٩ی نیسانی ٢٠١٨، د. عهلى سندى، وهزیرى پلاندانانى حكومهتى ههرێمى كوردستا ...
له ڕێكهوتی 2012 /9/9، د. على سندى، وهزیرى پلاندانانى حكومهتى ههرێمى كو ...