Ministry of Planning, Kurdistan Region

English Arabic

هه‌واڵه‌کانی وه‌زاره‌ت

ڕۆژ ژمێر

تشرینی دووه‌م 11, 2010

	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

ئاگادارکردنه‌وه‌ی ئێمه‌یڵ

كۆنفرانسێك بۆ په‌ره‌پێدانى و دابینكردنى نیشته‌جێكردن له‌ هه‌ولێر ئه‌نجامده‌درێت

Web News 11 November, 2010

به‌ مه‌به‌ستى په‌ره‌پێدان و گه‌شه‌پێدانى كه‌رتى نیشته‌جێبوون له‌ شارى هه‌ولێر و دانانى پلانى ستراتیژى له‌م بواره‌دا ئه‌مڕۆ 9-11-2010 به‌ ئاماده‌بوون و به‌شدارى هه‌ریه‌ك له‌ وه‌زیرانى پلاندانان و شاره‌وانى و گه‌شتوگوزار و ئاوه‌دانكردنه‌وه‌و نیشته‌جێكردنى حكومه‌تى هه‌رێمى كوردستان و پارێزگارى هه‌ولێرو نوێنه‌رى ده‌زگاى وه‌به‌رهێنان و بریكارى وه‌زاره‌تى نیشته‌جێكردن و ئاوه‌دانكردنه‌وه‌ى حكومه‌تى فیدراڵَى عێراق و دیڤێد ئۆپرۆى شاره‌زاى ئاوه‌دانكردنه‌و نیشته‌جێكردن له‌ ئۆفیسى UN-HABITA له‌ عه‌ممانى پایته‌ختى ئورده‌ن ، ڕێكخراوى هابیتاتى سه‌ربه‌ نه‌ته‌وه‌ یه‌كگرتووه‌كان UN-HABITA له‌ كۆنفرانسێكدا پلانى ستراتیژى بۆ نیشته‌جێبون له‌ هه‌ولێر پێشكه‌شى حكومه‌تى هه‌رێمى كوردستان كردووه‌ له‌ هۆڵى ئه‌كادیمیاى ته‌كنۆلۆژیاى زانیارى له‌ هه‌ولێرى پایته‌خت سازكرا ، سه‌ره‌تا ووتارى هابیتات خوێنرایه‌وه‌
دواتر به‌رێز د. عه‌لی سندی وه‌زیری پلاندانانی حكومه‌تی هه‌رێمی كوردستان له‌ ووته‌یه‌كیدا باسی له‌ كێشه‌ی نیشته‌جێ به‌ گشتی له‌ شاره‌كانی هه‌رێمی كوردستانی كرد و ووتی تاكوئێستا ئه‌و پرۆژانه‌ی تایبه‌ت به‌ نیشته‌جێ له‌ هه‌ولێری پایته‌خت ئه‌نجامدراون ته‌نها چینی ده‌وڵه‌مه‌ند ومامناوه‌ند لێی سوودمه‌ندبوونه‌ وچینی كه‌مده‌رامه‌تیش واته‌ ئه‌وانه‌ى داهاتى مانگانه‌یان له‌ 450 دۆلار كه‌متره‌ كه‌ نزیكه‌ی له‌ 60% خه‌ڵكی شاری هه‌ولێر پێكده‌هێنێت كه‌وا له‌ به‌ر كه‌می داهاتی مانگانه‌یان نه‌یانتوانیوه‌ سوود له‌م پرۆژه‌ نیشته‌جێیانه‌ وه‌ربگرن و ووتى وه‌زاره‌تی پلادانانی حكومه‌تی هه‌رێمی كوردستان بۆ چاره‌سه‌ركردنی كێشه‌ی نیشته‌جێ چینی كه‌مده‌رامه‌ت هه‌وڵده‌دات به‌ پلانێكی ستراتیژی ئه‌م كێشه‌یه‌ چاره‌سه‌ری بكات .

پاشان هه‌ر یه‌ك له‌ به‌رێزان وه‌زیرانی شاره‌وانى و گه‌شتوگوزار و ئاوه‌دانكردنه‌وه‌و نیشته‌جێكردنى حكومه‌تى هه‌رێمى كوردستان و پارێزگارى هه‌ولێرو نوێنه‌رى ده‌زگاى وه‌به‌رهێنان و بریكارى وه‌زاره‌تى نیشته‌جێكردن و ئاوه‌دانكردنه‌وه‌ى حكومه‌تى فیدراڵَى عێراق ووتارى خۆیان خوێنده‌وه‌و ئاماژه‌یه‌یان به‌ ڕۆڵى حكومه‌تى هه‌رێمى كوردستاندا بۆ چاره‌سه‌ركردنى گرفتى نیشته‌جێبوون له‌ هه‌رێمى كوردستان و دانان و په‌یڕه‌وكرنى سیاسه‌تى گونجاو و پرۆژه‌كانى وه‌به‌رهێنان و دروست كردنى چه‌ندین هه‌زار یه‌كه‌ى نیشته‌جێبوون به‌تایبه‌تى ده‌وڵه‌تى عێراق بوارى نیشتجێبوونى زۆر فه‌رامووش كردبوو و به‌تایبه‌تیش ئاماژ به‌ پلان و ستراتیژیه‌تى نیشته‌جێبوون له‌كوردستان به‌گشتى و له‌ پایته‌ختى هه‌رێم كرا كه‌ مه‌به‌ستى كارى ڕێكخراوه‌كه‌ بوو ، دواتر چه‌ندین پرۆژه‌ وه‌كو ئه‌زموون له‌سه‌ر ئاستى عێراق و هه‌رێمى كوردستان نمایشكران و دانیشتى یه‌كه‌مى كۆنفرانسه‌كه‌ كۆتایى هات و له‌ دوو ڕۆژى داهاتووشدا به‌درێژى گفتوگۆو لێكۆڵینه‌وه‌ و داڕشتنى پلانى زیاتر ده‌خرێته‌ ڕوو شیاوى ئاماژه‌ پێدانه‌ نوێنه‌رو شاره‌زایانى زۆربه‌ى دامه‌زراوه‌وه‌كانى حكومه‌تى كوردستان و UN-HABITA به‌شداربوون .