به‌ڕێوه‌به‌رایه‌تی پلاندانانی ئابووری

 یەكێكە لە بەرێوەبەرایەتیەكانی ناو بەرێوەبەرایەتی گشتی پلاندانانی ستراتیجی لە وەزارەتی پلاندانان كە لەچوار بەش پێك دێت كەبریتین لە

 1- بەشی پلاندانانی پیشەسازی.

 2- بەشی پلاندانانی وەبەرهێنان.

3- بەشی پلاندانانی كشتوكاڵی.

4- بەشی پلاندانی گەشتوگوزار و شوێنەوار.

ژمارەی كارمەندانی ئەم بەرێوەبەرایەتییە چوار كارمەندە.

كارنامەی بەرێوبەرایەتی پلاندانانی ئابووری

1- سەرپەرشتی كردنی كاری كارگێری رۆژانەی كارمەندانی بەرێوەبەرایەتی.

2- پێشنیاركردنی خول و پێداویستیە مەعریفی و ماددی و هونەرییەكانی بەرێوبەرایەتی و پاڵاوتنی كارمەندان بۆ خولەكان.

3- دروستكردنی هەماهەنگی لەگەڵ پسپۆرانی ئەكادیمی وزانستی لە بوارەكانی ئابووری و كشتوكاڵ و پیشەسازی و گەشتوگوزار وشوێنەواردا بە ئامانجی سوود بینین لە تواناو شارەزاییەكانیان لە رەسمكێشانی سیاسەتە ئابووریەكان و ئامادەكردنی پلاندانانی ئابووریدا.

4- درووستكردنی هەماهەنگی لەگەڵ دەستەی ئامار وبەرێوبەرایەتیەكانی وەزارەتە پەیوەندیدارەكان بە پلاندانانی ئابووری بە شێوەیەكی بەردەوام لە پێناو وەرگرتن وئاڵوگۆركردنی ئامار وزانیاری و بەژداربوون لە ئامادەكردنی پلانی وەزارەتەكان لەو بابەتانەی پەیوەستن بە پلاندانانی ئابووری و بەشەكانی بەرێوبەرایەتی.

5 - بەژداریكردن لە ئامادەكردنی بوددجەی وەبەرهێنانی حكومەت.

6- بەژداربوون لە ئامادەكردنی پرۆژەی بودجەی ساڵانەی وەبەرهێنانی وەزارەت و حكومەت .

7- هەماهەنگی لەگەڵ بەرێوبەرایەتیەكانی ناو بەرێوبەرایەتی گشتیمان لە ئامادەكردنی پلانی ستراتیجی وكارە گشتیەكاندا.

8- بڵاوكردنەوەی رۆشنبیری ئابووری لە رێگای كەناڵەكانی راگەیاندنی بینراو نوسراو بیستراوەوە بەتایبەتیش لەوەی پەیوەستە بە سیاسەت و ئاراستە نوێیەكانی ئابووری حكومەتەوە.

9- رونكردنەوەو لێدوانی ئابووری سەبارەت بە باس وپێشهات و قەیرانە ئابووریەكان ئەگەر لەسەرەوە تەكلیفكراین.

10- ئاراستەكردنی سەرۆك بەشەكان بۆ كارە پێویستەكان.

11- نوسین وئامادەكردنی راپۆرتی زانستی لەسەر بابەتە ئابووریە پێویستەكان.

12- هەركار وفەرمانێكی تر كەلەسەرەوە ئاراستەمان بكرێت.

بەشی پلاندانانی پیشەسازی

1- بەدواداچونی جێبەجێكردنی پلانی پەرەپێدانی ساڵانەی پیشەسازی كەلە لایەن وەزارەتی پیشەسازی وە پێشكەش دەكرێت.

2- هەماهەنگی كردن لەگەڵ ب.گ پلاندانانی پیشەسازی لە وەزارەتی پیشەسازی و بازرگانی لەوەی پەیوەستە بە روپێوی كەرتی پیشەسازی و ئامادەكردنی پلانی ساڵانە و درێژخایەن بۆ كەرتی پیشەسازی شكردنی راپۆرت لەو بوارەوە.

3- هەماهەنگی كردن لەگەڵ غورفەكانی بازرگانی و پیشەسازی و رێكخراوو سەندیكا ئابوریەكان لەسەر ئەو بابەتانەی پەیوەستن بە كەرتی پیشەسازی لە كوردستاندا.

4- هەماهەنگی كردن لەگەڵ لایەنە پەیوەندیدارەكان لە پێناو پەرەپێدانی ژێرخانی كەرتی پیشەسازی لە كوردستاندا.

5- پێشنیاركردن بۆ هەمواركردنی هەموو ئەو یاساو رێسایانەی كە كۆسپن لەبەردەم پێشكەوتنی كەرتی پیشەسازی هەرێم.

6- ئامادەكرنی بنەمای ئامار وداتاكانی كەرتی پیشەسازی لە هەرێمدا.

بەشی پلاندانانی وەبەرهێنان

1- پێشكەشكردنی راو سەرنجەكان لەسەر دابەشبونە جوگرافیەكانی وەبەرهێنان و چاككردنی ژینگەی وەبەرهێنان لە كوردستاندا.

2- دیاركردنی ئەولەویەتە پێویستەكان بۆ كەرتە ئابووریەكان لە پێناو ئاراستە كردنی هەلەكانی وەبەرهێنان بۆ ئەو كەرتانە.

3- هەماهەنگی كردن لەگەڵ دەستەی وەبەرهێنان لە ئامادەكردنی پلانەكانی پەرەپێدانی وەبەرهێنان لە كوردستان.

4- بەژداریكردن لە كۆر سیمینار وخولەكانی تایبەت بە وەبەرهێنان.

بەشی پلاندانانی گەشت و گوزار وشوێنەوار

1- هەماهەنگی كردن لەگەڵ لایەنە پەیوەندیدارەكان لە ئامادەكردنی پلانەكانی پەرەپێدانی كەرتی گەشتو گوزار و شوێنەوار.

2- بەدواداچونی جێبەجێكردنی پلانی پەرەپێدانی ساڵانە لە لایەن وەزارەتی شارەوانی و گەشتوگوزارەوە وەهەروەها پێشكەشكردنی راپۆرت لەو بوارەوە.

3- پێشكەشكردنی راپۆرتی زانستی لەسەر بەرەوپێشبردنی كەرتی گەشتوگوزار وشوێنەوار لە كوردستاندا.

4- بەژداریكردن لە كۆر سیمینار وخولەكانی تایبەت بە كەرتی گەشتیاری وشوێنەوار.

بەشی پلاندانانی كشتوكاڵ

1- هەماهەنگی كردن لەگەڵ وەزارەتی كشتوكاڵ لە ئامادەكردنی پلانەكانی پەرەپێدانی كەرتی كشتوكاڵ و سامانەكانی ئاو.

2- پێشكەشكردنی راپۆرتی زانستی لەسەر بەرەوپێشبردنی كەرتی كشتوكاڵ لە كوردستاندا.

3- بەدواداچونی جێبەجێكردنی پلانی پەرەپێدانی ساڵانە لە لایەن وەزارەتی كشتوكاڵ و سەرچاوەكانی ئاوەوە وەهەروەها پێشكەشكردنی راپۆرت لەو بوارەوە.

4- هەماهەنگیكردن لەگەڵ پسپۆران و مامۆستایانی زانكۆ هەروەها بەژداریكردن لە كۆر سیمینار وخولەكانی تایبەت بە كەرتی كشتوكاڵ.